橙新聞

【冼國林】議員是否有特權?

【冼國林】議員是否有特權?
圖:資料圖

文:冼國林

近年社會出現許多不同形式的示威,遊行甚至暴力衝擊政府機構,在這些事件中我發覺許多議員都有扮演不同角色。

1)在警察執行職務事

包括搜查時質疑警察的權力,甚至明知是警察們在執行職務不合理地要在埸警務人員出示委任證。(其實可以毋需理會)

2)要混亂環境中要求警察解釋行使警權原因,甚至破口指罵警察引起現場起哄。(只要合理執行法毋需向個別人士解釋,特別是非當事人。如有不滿,建議循正常渠道投訴)

3)很多時擋在警察前面阻礙警察進行清埸及執行拘捕行動。

4)更甚帶頭衝擊執法人員,強行進入政府機構及官地等。(上述3及4,可即時驅趕及拘捕)

【冼國林】議員是否有特權?
圖:資料圖

但我見到現場執法人員對他卻似乎有所忌憚處處忍讓。究竟係咪立法會議員是真的有咁大嘅特權可以有法不依免受刑責呢?答案是否定的。

議員嘅職責一是應該代表選民積極出席立法會發表他們對法案及財務預算的意見。另外就係引用特權法案傳召有關人員出席立法會對一啲爭論性嘅事件作出解釋。為保障議員喺立法會辯論時可以暢所欲言,議員在議會內的發言是免受民事追究。但呢一個特權嘅不適用於任何刑事行為。議員喺議會外嘅所有行為責任係同一般市民毫無分別,並冇任何特權。

執法人員往往係因為佢哋嘅議員身份而作出忍讓,但係忍讓太多就會令到其他人包括佢自己都覺得議員走出咗議會之外都仍有特權。其實執法人員應該向有關議員講清楚佢哋嘅刑事責任係唔會因為佢嘅議員身份係有特權。如果佢觸犯妨礙公職人員執行職務,刑事毀壞,煽惑他人,闖入官地都該一視同仁進行拘捕及檢控。就好似上次法院判咗幾個議員有罪便是一個例子。

大家應該知道立法局議員係公眾人物,有一定嘅影響力同埋說服力,如果大部分年青人相信立法會議員有能力保護佢哋支持佢哋,甚至觸犯法律都可以免受刑責嘅話,呢個好危險嘅訊號。

所以我覺得前線警務人員如遇到有立法會議員無理取鬧,妨礙執法甚至造出刑事行為,應該要馬上果斷地,對該些議員進行拘捕同提出檢控。要對佢哋嘅行為要求應該更加嚴格,因為他們是已經是思想成熟立法者不是無知少年。亦毋須懼怕被扣上政治檢控的帽子。因為咁樣嚴厲公平執法先至可以畀社會帶來一個正面的訊息;「法律面前,人人平等」。

當然呢一個執法態度係需要警務處高層,甚至特區政府全力支持,前線人員才夠膽咁做。

作者為資深影視文化人

責編:CW

編輯:Martin Sheun

編輯推薦

【時事短打】泛民爛仔推撞的不是議員而是法治

立法會今天(11日)舉行審議逃犯修訂條例草案的委員會。泛民議員通宵霸佔會議室率開了個「假會」,之後更是暴力阻擾委員會開會,數個議員被推倒在地,場面混亂。泛民議員猶如「爛仔」的非法暴力做法,實在讓人歎為...

2019-05-11 11:47

【來論】反對派唔同中聯辦溝通 反而與「港獨」溝通?

中聯辦主任王志民邀請全體立法會議員到中聯辦出席春茗團拜,這既是一種禮數,也顯示中聯辦希望與立法會議員包括反對派議員溝通的誠意。

2019-02-19 15:11

時事短打 | 拒與中聯辦溝通 反對派議員辜負民意

正值元宵佳節,香港中聯辦主任王志民邀請全體立法會議員今日(19日)到中聯辦出席春茗團拜,惟反對派議員無人出席活動。事實上,有點常識的都知道,中聯辦的春茗不僅是吃飯,更是一次難得與中央駐港機構面對面交流...

2019-02-19 11:40

熱門評論

已複製連結