橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】切勿在感情開始時降低自己底線迎合對方

文:港女友

我成日形容拍拖就好似同小朋友相處咁,唔係話對方幼稚要人湊,而係好多行為都係有跡可尋。其中一個例子就係人會對別人嘅付出習慣同麻木,慢慢就會變成理所當然。

你有無試過每次見到朋友嘅囝囡時都買啲小禮物畀佢?大至玩具,小至一粒糖都好,只要你每次見到個小朋友時都買畀佢,幾次之後佢就會覺得見到你就會有禮物收,你同禮物中間多咗個等號。於是每次見你之前佢都期待緊份禮物,而當你有一次無買到禮物畀佢時,佢會覺得失望。又或者你唔再買禮物畀佢時,佢會覺得你變咗,唔再錫佢。

【港女講女】切勿在感情開始時降低自己底線迎合對方

(資料圖片)

小朋友如是,愛情亦如是。所以我成日覺得一開始拍拖時,唔好因為熱戀就放棄哂自己嘅底線去迎合對方,唔好做自己唔鍾意嘅野去討好對方,亦都唔好下下110%付出。因為你一開始將條底線set得咁低,將你嘅付出set得咁高,之後你好難調整,因為當你一調整時,對方就會覺得你無一開始咁鍾意自己。

我有個男仔朋友住柴灣,女朋友住荃灣,一開始拍拖想見到最後一刻,男仔會陪女仔搭到去荃灣,再自己用一個半鐘番屋企。熱戀期過後,男仔開始覺得好遠好攰,慢慢就少咗送女仔番屋企,於是女仔就因此好多怨言,每次番屋企都會擾讓好耐,最後個男仔都半被逼咁送對方番屋企。

【港女講女】切勿在感情開始時降低自己底線迎合對方

(資料圖片)

假如開咗個爛頭,又遇上一個唔夠體諒同明白事理嘅另一半,你嘅日子將會變得更加難捱呀!

責編:EK

編輯:Hin

編輯推薦

【港女講女】點解另一半成日同你講善意的謊言?

有個女性朋友成日都畀男朋友喺小事上欺騙,例如明明出咗去同朋友打波,都會扮自己留喺屋企休息。又例如夜晚12點後就會扮瞓咗等等。但我朋友好肯定對方並唔係偷食,而係怕自己會嬲所以先講呢啲「善意的謊言」。朋...

2020-07-23 17:44

【港女講女】不要恃熟賣熟 將熟人的付出視為理所當然

最近因為一個認識超過十年朋友嘅婚事,我同另外幾個朋友有少少受傷。結婚嘅呢位朋友喺完全無詢問大家意願時,就指派大家做姊妹,到後來又喺無個別知會下,減少咗姊妹人數。即係叫你做時又無問過你,到唔使你做時...

2020-07-16 17:45

【港女講女】兩個人嘅事,外人又知得幾多

唔知大家身邊有無啲朋友好八卦、好鍾意喺背後討論人哋啲家事?我身邊有個朋友非常熱衷於批評唔同人嘅感情事,例如一次聚會後佢同我講其中一個朋友同佢男朋友成餐飯都無交流,其實係咪唔鍾意大家?又例如見到某個...

2020-07-09 17:45

熱門評論

已複製連結