橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】千祈唔好幻想拍拖之後就可以改變一個人

文:港女友

最近有個單身朋友識咗個新對象,新對象嘅內外在條件加埋,我朋友有一半滿意一半唔滿意,例如滿意對方對自己嘅好,但又嫌對方性格太悶。滿意對方嘅細心,但又嫌對方嘅孤寒等等。簡單嚟講呢個新對象係五十分嘅雞肋,食之無味、棄之可惜。

但我呢個朋友仲好猶疑緊要唔要試下同呢個人開始,一來因為好耐無拍拖,自己又年紀唔細,唔想錯過任何一個機會。二來佢抱有一個想法:拍拖之後可能對方會改變呢。

【港女講女】千祈唔好幻想拍拖之後就可以改變一個人

(資料圖片)

我勸佢如果因為第一個原因都算,如果係因為第二個原因就千祈唔好!幾時都唔好天真地幻想開始拍拖就會改變到一個人。

照正常嚟講,拍拖之前嘅觀察期應該係最盲目,被戀愛沖昏頭腦嘅階段,呢個時期因為新鮮感同熱情,好容易將所有缺點要接納,所以照理應該會對對方評價比實際更高,更正面。但如果喺呢個時候都見得咁清楚,只能話其實你唔係好鍾意呢個人,所以先可以將對方嘅不足都睇得咁清晰通透。而更大問題係,唔好期望一個人會因為愛情而改變,因為現實中會發生嘅機會率真係非常細,尤其係當大家都去到某個年紀,要改變一直以嚟嘅性格就更加難。你點可以期待一個悶咗三十年嘅人,會突然變成一個外向有趣嘅人?可能會,但我相信要係一段好長好長好長嘅時間。

【港女講女】千祈唔好幻想拍拖之後就可以改變一個人

(資料圖片)

我相信如果一段關係未開始你已經見到對方咁多缺點,咁多令你卻步嘅地方,咁甜蜜期過後你只會因為同一個原因而覺得卻步。

責編:EK

編輯:Hin

編輯推薦

【港女講女】原諒容易,重新信任才難

講婚姻同背叛嘅韓劇《夫妻的世界》大結局,睇完我有一種好強烈嘅感覺:要原諒一個人唔難,最難係要重新信任番呢個曾經背叛過你嘅人。

2020-05-21 17:19

【港女講女】婚姻不會讓你愛上任何人

最近阿嬌離婚,呢單新聞令我最有感受係賴弘國話阿嬌講過「我以為婚後會慢慢愛上你的」,實在令我驚嘆阿嬌原來依然好傻好天真,竟然會覺得婚姻可以令人日久生情。

2020-05-14 17:44

【港女講女】伴侶手機我勸你不要看

最近周揚青同羅志祥單野令好多人都討論,究竟應唔應該check另一半手機。有人就話「如果身無屎,怕咩人睇?」,另一方面有人就話「如果有足夠信任,點解要check? 」而我由好耐以前已經覺得好奇心殺死貓,另一半手...

2020-05-07 17:10

熱門評論

已複製連結