橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】原諒容易,重新信任才難

文:港女友

講婚姻同背叛嘅韓劇《夫妻的世界》大結局,睇完我有一種好強烈嘅感覺:要原諒一個人唔難,最難係要重新信任番呢個曾經背叛過你嘅人。

【港女講女】原諒容易,重新信任才難

(資料圖片)

裡面有一對夫妻,因為老公多次出軌而走上離婚之路,後來老公浪子回頭,終於知錯追番老婆。多次努力之下老婆選擇原諒老公,但係佢發現老公一啲微表情、小動作都會令佢變得好敏感,甚至忍唔住要check老公電話先安心。

有人話過信任好似一張紙,整皺了,就算再努力去撫平都係會有皺的痕跡。我個人非常同意呢種講法,人同信任都係有記憶,一旦被傷害過就會下意識想避免自己再受同樣嘅傷害,於是人會變得多疑、敏感。

【港女講女】原諒容易,重新信任才難

(資料圖片)

係咪每個人都值得擁有第二次機會,呢個就留番畀大家自行判斷。不過我想各位男士/女士講,破壞一段關係、一份信任可能只需要一次錯誤、一刻衝動、一晚溫暖同一個謊言,但係你要去修補信任嘅缺口,可能係你再努力都做唔到嘅事。呢個世界無永遠都會原諒你嘅人,亦都無永恆盲目嘅信任。別用背叛去回報一個對你絕對信任嘅人。

責編:EK

編輯:Hin

編輯推薦

【港女講女】婚姻不會讓你愛上任何人

最近阿嬌離婚,呢單新聞令我最有感受係賴弘國話阿嬌講過「我以為婚後會慢慢愛上你的」,實在令我驚嘆阿嬌原來依然好傻好天真,竟然會覺得婚姻可以令人日久生情。

2020-05-14 17:44

【港女講女】伴侶手機我勸你不要看

最近周揚青同羅志祥單野令好多人都討論,究竟應唔應該check另一半手機。有人就話「如果身無屎,怕咩人睇?」,另一方面有人就話「如果有足夠信任,點解要check? 」而我由好耐以前已經覺得好奇心殺死貓,另一半手...

2020-05-07 17:10

【港女講女】出軌的人往往都心存僥倖

最近睇緊講背叛嘅《夫妻的世界》,再加上小豬出軌事件,令我同身邊朋友都不停討論出軌嘅睇法。一個男性朋友同我講:男人出軌大多都係抱住僥倖嘅心態,總係覺得自己會係比較聰明同幸運嘅一個。

2020-04-30 12:18

熱門評論

已複製連結