橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】伴侶手機我勸你不要看

文:港女友

最近周揚青同羅志祥單野令好多人都討論,究竟應唔應該check另一半手機。有人就話「如果身無屎,怕咩人睇?」,另一方面有人就話「如果有足夠信任,點解要check? 」而我由好耐以前已經覺得好奇心殺死貓,另一半手機我從來都唔會check。並唔係掩耳盜鈴,唔睇咪咩都唔知,而係我嘅另一半從來未令我獨自不安到需要去check手機去確定任何事。

【港女講女】伴侶手機我勸你不要看

(資料圖片)

我覺得一段關係入面,信任係最重要嘅元素。就算結咗婚,兩個人都無可能24小時喺對方隔離,無可能無時無刻都報到,去到邊都要FaceTime確認,我唔覺得呢種相處模式係一種舒服同長久維持關係嘅方法。反而我覺得真正舒服同長久嘅關係,就係我唔需要每時每刻都知道你做緊咩,我哋各自都擁有除對方以外嘅自由空間,而我哋都知道對方唔會利用呢份自由去做唔應該做嘅事。

【港女講女】伴侶手機我勸你不要看

(資料圖片)

而呢份安全感並唔係建基於我睇哂佢WhatsApp對話而得嚟,而係日常溝通足夠,我想知嘅我會自己問佢,佢都會老實回答。同邊個出街我哋都會如實相告,我可以同男性朋友出街,佢都可以同女同事食晏,從來無瞞騙,信任自然存在我哋嘅關係之中。

不過講到底,要經營一段擁有足夠信任嘅關係,絕對需要兩個人嘅努力,其中一方唔願意坦白,自然好難令對方唔需要check手機都有足夠安全感。

責編:EK

編輯:Hin

編輯推薦

【港女講女】出軌的人往往都心存僥倖

最近睇緊講背叛嘅《夫妻的世界》,再加上小豬出軌事件,令我同身邊朋友都不停討論出軌嘅睇法。一個男性朋友同我講:男人出軌大多都係抱住僥倖嘅心態,總係覺得自己會係比較聰明同幸運嘅一個。

2020-04-30 12:18

【港女講女】婚姻和拍拖是兩碼子的事

最近我追緊韓劇《夫妻的世界》,講一對夫妻因為男方出軌被發現,兩個人被愛變恨嘅故事。當中有人問女主角點解唔即刻離婚?女主角話因為婚姻唔係拍拖,並唔係咁簡單。的確,睇呢套劇令我更加明白婚姻唔只係愛情,...

2020-04-25 10:41

【港女講女】結婚係兩個人嘅事,憑咩要一方承擔所有?

最近聽到有個親戚遇到一件咁嘅事:親戚月入兩萬左右,每個月都好辛苦工作儲錢,一星期工作七日,為咗要儲錢畀首期個囝買樓結婚⋯而最令人驚訝嘅係,個囝嘅未婚妻講到明「無樓就唔結婚」,於是買樓嘅壓力全都落咗...

2020-04-17 17:20

熱門評論

已複製連結