橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】出軌的人往往都心存僥倖

文:港女友

最近睇緊講背叛嘅《夫妻的世界》,再加上小豬出軌事件,令我同身邊朋友都不停討論出軌嘅睇法。一個男性朋友同我講:男人出軌大多都係抱住僥倖嘅心態,總係覺得自己會係比較聰明同幸運嘅一個。

的確,每個出軌嘅人都總係覺得自己唔會被發現,又或者會覺得自己瞞得住。而好可惜,事實證明大部分人都係唔夠聰明亦都唔夠幸運。最後都被另一半發現偷食。

【港女講女】出軌的人往往都心存僥倖

(視覺中國圖片)

嗰位朋友仲話人大咗,對於偷食嘅嚮往反而減少咗,因為慢慢明白到有啲代價太大,自己輸唔起。

有時最能夠令一個人面對引誘都唔會動心,並唔係愛情,而係代價。作為一個成年人應該明白好多野都有代價,而自己決定做一件錯事之前,亦應該考慮到最壞情況自己會失去嘅東西。例如一個人夫/人妻出軌,早就應該要預料到自己會失去家庭。一個事業有成,甚至係知名人士,就應該一早知道自己有可能會失去事業。呢啲「代價」本來就已經夠阻嚇作用,不過可惜永遠都有人覺得自己好聰明好好彩,可以成功過關,唔需要付上代價。

【港女講女】出軌的人往往都心存僥倖

(視覺中國圖片)

但我一向相信因果,每個人都總要為自己做嘅事負責任。出得嚟行預咗要還,作為一個成年人,自己做過嘅錯事/壞事,就要準備好承受一切果報。心存僥倖並唔係保你平安,只顯得幼稚短視。

責編:EK

編輯:Hin

編輯推薦

【港女講女】婚姻和拍拖是兩碼子的事

最近我追緊韓劇《夫妻的世界》,講一對夫妻因為男方出軌被發現,兩個人被愛變恨嘅故事。當中有人問女主角點解唔即刻離婚?女主角話因為婚姻唔係拍拖,並唔係咁簡單。的確,睇呢套劇令我更加明白婚姻唔只係愛情,...

2020-04-25 10:41

【港女講女】結婚係兩個人嘅事,憑咩要一方承擔所有?

最近聽到有個親戚遇到一件咁嘅事:親戚月入兩萬左右,每個月都好辛苦工作儲錢,一星期工作七日,為咗要儲錢畀首期個囝買樓結婚⋯而最令人驚訝嘅係,個囝嘅未婚妻講到明「無樓就唔結婚」,於是買樓嘅壓力全都落咗...

2020-04-17 17:20

【港女講女】兩個人嘅問題,最好兩個人解決

我私底下有Follow一個親子KOL,呢位媽媽級KOL除咗分享湊仔逸事,佢都會喺呢個公開嘅account分享自己嘅私事。例如我會知道佢老公出軌、出軌個對象、老公求饒、兩個人離婚⋯⋯佢都會一一忍唔住同網民傾訴。我諗起我...

2020-04-10 12:35

熱門評論

已複製連結