橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】婚姻和拍拖是兩碼子的事

文:港女友

最近我追緊韓劇《夫妻的世界》,講一對夫妻因為男方出軌被發現,兩個人被愛變恨嘅故事。當中有人問女主角點解唔即刻離婚?女主角話因為婚姻唔係拍拖,並唔係咁簡單。的確,睇呢套劇令我更加明白婚姻唔只係愛情,仲將兩個人嘅生活、財政等等緊緊綁埋一齊。

【港女講女】婚姻和拍拖是兩碼子的事

(資料圖片)

拍拖其實係好單純嘅愛情事件,鍾意咪一齊,唔鍾意都可以分手。當然當中都會有好多難以分手嘅情況,但大多都只係個人情感上嘅困難,例如係因為付出咗好多時間同青春、因為努力過好多、因為好愛呢個人等等,所以令人無法割捨。

但婚姻就唔再係咁簡單,除咗愛情,仲有好多因素令到兩個人被綁埋一齊。尤其係經濟同生活方面,兩個人可能一齊買咗樓,又可能有一方要依靠另一方財政,又可能有仔女等等,於是兩個人選擇離婚要考慮嘅野已經超越愛情,而係要諗埋離婚後嘅經濟、生活等等。

【港女講女】婚姻和拍拖是兩碼子的事

(資料圖片)

亦係呢個殘酷嘅現實,令到我哋上一代好多夫妻就算互相討厭都無辦法離婚。因為上一代好多女性都係依靠老公搵錢養家,於是好多女性因為錢嘅緣故,逼自己不得不繼續呢段婚姻,繼續容忍對方。所以婚姻真係一件一體兩面嘅事,一面係可以同愛人共渡餘生,一面就係要將好多殘酷現實放入去原本單純嘅愛情當中。

責編:EK

編輯:Hin

編輯推薦

【港女講女】結婚係兩個人嘅事,憑咩要一方承擔所有?

最近聽到有個親戚遇到一件咁嘅事:親戚月入兩萬左右,每個月都好辛苦工作儲錢,一星期工作七日,為咗要儲錢畀首期個囝買樓結婚⋯而最令人驚訝嘅係,個囝嘅未婚妻講到明「無樓就唔結婚」,於是買樓嘅壓力全都落咗...

2020-04-17 17:20

【港女講女】兩個人嘅問題,最好兩個人解決

我私底下有Follow一個親子KOL,呢位媽媽級KOL除咗分享湊仔逸事,佢都會喺呢個公開嘅account分享自己嘅私事。例如我會知道佢老公出軌、出軌個對象、老公求饒、兩個人離婚⋯⋯佢都會一一忍唔住同網民傾訴。我諗起我...

2020-04-10 12:35

【港女講女】愛情不是禮尚往來

韓劇《梨泰院Class》入面有句對話「愛情不是禮尚往來」,講得非常好。世上有好多嘢都係努力做就有回報,但愛情偏偏同努力無關,即使你幾用心、用力,最後可能都係徒勞無功。

2020-04-03 16:39

熱門評論

已複製連結