橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】兩個人嘅問題,最好兩個人解決

文:港女友

我私底下有Follow一個親子KOL,呢位媽媽級KOL除咗分享湊仔逸事,佢都會喺呢個公開嘅account分享自己嘅私事。例如我會知道佢老公出軌、出軌個對象、老公求饒、兩個人離婚⋯⋯佢都會一一忍唔住同網民傾訴。我諗起我自己都認識呢種性格嘅朋友,會喺Facebook公開地講述同另一半鬧交嘅內容,另一半做錯咗啲咩,感覺係要尋求認同,等朋友一齊公審另一半。

【港女講女】兩個人嘅問題,最好兩個人解決

(資料圖片)

我個人嚟講係非常唔鍾意呢種做法,唔係因為家醜不出外傳,係因為我唔鍾意「公審」或「被公審」。我相信兩個人之間嘅問題只可以由兩個人去解決,旁人係無可能了解當中嘅愛恨情仇。而且每個人都係主觀同有盲點,如果由我角度去講呢件事,切入點永遠都係對我有利,對另一半不利,聽落永遠都係我啱哂。

【港女講女】兩個人嘅問題,最好兩個人解決

(資料圖片)

喺我嘅角度,兩個人有矛盾時,我並唔係追求不惜一切要證明自己係啱,我反而係想搵出問題嘅核心,想知道矛盾係點樣出現。所以我嘅感受係重要,但對方嘅立場同感受對我嚟講係一樣重要。只係搵朋友去圍爐證明我啱哂,其實係無助解決問題。呢班人再認同你、支持你都好,你嘅另一半唔認同唔滿意嘅話,問題都依然存在。

兩個人嘅愛情,永遠都只有當中嘅兩個人先有資格去評論。

責編:EK

編輯:Hin

編輯推薦

【港女講女】愛情不是禮尚往來

韓劇《梨泰院Class》入面有句對話「愛情不是禮尚往來」,講得非常好。世上有好多嘢都係努力做就有回報,但愛情偏偏同努力無關,即使你幾用心、用力,最後可能都係徒勞無功。

2020-04-03 16:39

【港女講女】我們都在尋找那個願意接納自己的人

終於睇完Netflix真人騷《Love is blind》,我發現節目入面好多參賽者都不約而同講咗一樣野:接納。大家都希望可以搵到一個接納自己嘅人。有趣嘅係大家都用「接納」一詞,而唔係用「愛」一字。

2020-03-27 15:34

【港女講女】擇偶條件會是你的絆腳石

最近睇Netflix一套真人騷《Love is blind》,搵嚟一班適婚年齡嘅男女,喺各自無見過對方真人,只係隔住道牆傾計下約會,最後揀一個鍾意嘅對象訂婚。

2020-03-20 15:09

熱門評論

已複製連結