橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】愛情不是禮尚往來

文:港女友

韓劇《梨泰院Class》入面有句對話「愛情不是禮尚往來」,講得非常好。世上有好多嘢都係努力做就有回報,但愛情偏偏同努力無關,即使你幾用心、用力,最後可能都係徒勞無功。

不過有好多人總係相信只要自己再努力啲、付出多啲、做好啲、改變多啲就可以得到對方嘅心,但好可惜愛情並唔係單靠感動一個人而得到。

【港女講女】愛情不是禮尚往來

(視覺中國圖片)

我都試過單戀一個人好多年,為佢做咗好多野,付出咗好多,對方都知道我鍾意佢,知道我嘅付出,但係唔愛就係唔愛,就算我再努力多幾年佢都一樣無辦法因為感動而「愛」我。呢個就係愛情最殘酷,但又最吸引人嘅地方。

有個男仔朋友之前好用力追一個女仔,最後個女仔say no。後來識咗另一個女仔,大家相處得好開心,輕輕鬆鬆,無特別用力去追,反而順利發展。愛情真係好奇妙,你出盡力去追去爭取,可能一無所有。但當你放輕鬆,又可能不費吹費之力搵到真愛。

【港女講女】愛情不是禮尚往來

(資料圖片)

雖說愛情入面,付出同收穫唔成對比,但唔代表你應該咩都唔做,唔付出。而係你心態應該改變,要明白愛情對任何人都並不客氣,唔好執著於自己做咗幾多、付出咗幾多,然後期望會得到相應回報。愛情由第一日就應該係只求付出,唔問收穫嘅單向行車。

責編:EK

編輯:Hin

編輯推薦

【港女講女】我們都在尋找那個願意接納自己的人

終於睇完Netflix真人騷《Love is blind》,我發現節目入面好多參賽者都不約而同講咗一樣野:接納。大家都希望可以搵到一個接納自己嘅人。有趣嘅係大家都用「接納」一詞,而唔係用「愛」一字。

2020-03-27 15:34

【港女講女】擇偶條件會是你的絆腳石

最近睇Netflix一套真人騷《Love is blind》,搵嚟一班適婚年齡嘅男女,喺各自無見過對方真人,只係隔住道牆傾計下約會,最後揀一個鍾意嘅對象訂婚。

2020-03-20 15:09

【港女講女】你該放過那困在過去的自己

有個朋友兩年前經歷咗一段好刻骨銘心嘅愛情,對方最後不辭而別,令佢好大打擊。直到兩年後今日,雖然心情平伏咗,但內心依然有道好深好深嘅傷痕,令佢一直無辦法重新去戀愛。

2020-03-13 14:20

熱門評論

已複製連結