橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】我們都在尋找那個願意接納自己的人

文:港女友

終於睇完Netflix真人騷《Love is blind》,我發現節目入面好多參賽者都不約而同講咗一樣野:接納。大家都希望可以搵到一個接納自己嘅人。有趣嘅係大家都用「接納」一詞,而唔係用「愛」一字。

然後我諗咗好耐,我發現人愈大真係會開始傾向用「接納」多過用「愛」一字。細個嘅時候我哋「愛」一個人,會因為見到對方嘅優點、才華而去愛一個人,而長大後你會發現單單愛一個美好嘅一面係唔足夠,真正嘅愛係要接納埋對方最差嘅一面。於是我哋都學識「接納」嘅意義。

【港女講女】我們都在尋找那個願意接納自己的人

(資料圖片)

當然我哋都依然希望搵到一個人可以愛自己嘅好,可以明白自己嘅笑話,可以欣賞到自己嘅優點。但我哋心底裡都會有個恐懼,恐懼自己嘅缺點同不足會嚇走一個人。我哋比誰都清楚自己有咩缺點,有咩壞習慣,有咩唔可愛嘅一面,所以我哋會驚,會驚對方嫌棄、逃走。所以我哋先會咁渴望搵到一個可以接納呢一切嘅人。

【港女講女】我們都在尋找那個願意接納自己的人

(資料圖片)

當人長大之後去識新對象,慢慢你會發現你唔想再只係飾演最好嘅自己,你會想喺愛人面前做番有好有壞嘅自己。除咗可以舒服自在啲之餘,你會好想畀對方了解埋自己最壞一面,等對方消化一下接唔接受得到。因為我哋都知道如果有心要經營一段長久關係,兩個人必須清楚對方唔同嘅面貌,必須了解自己將要面對一個咩人,了解後都選擇接納,呢段關係先可以行得更遠。

責編:EK

編輯:Hin

編輯推薦

【港女講女】擇偶條件會是你的絆腳石

最近睇Netflix一套真人騷《Love is blind》,搵嚟一班適婚年齡嘅男女,喺各自無見過對方真人,只係隔住道牆傾計下約會,最後揀一個鍾意嘅對象訂婚。

2020-03-20 15:09

【港女講女】你該放過那困在過去的自己

有個朋友兩年前經歷咗一段好刻骨銘心嘅愛情,對方最後不辭而別,令佢好大打擊。直到兩年後今日,雖然心情平伏咗,但內心依然有道好深好深嘅傷痕,令佢一直無辦法重新去戀愛。

2020-03-13 14:20

【港女講女】別讓你的不安全感謀殺你的愛情

我發現我認識嘅女仔好多都對愛情缺乏安全感,無論個女仔靚唔靚、拍過幾多次拖、對象背景如何,女仔好多都一樣對愛情,或者係對自己唔夠信心,好無安全感。

2020-03-06 16:33

熱門評論

已複製連結