橙新聞

一曲成名後停滯不前 KellyJackie患抑鬱靠黃秋生走出陰霾

文:Hin

歌手KellyJackie(陳曉琪)擔任本周六晚(15號)於香港開電視首播的節目《一曲走天涯》嘉賓,分享其一夜成名的喜與悲。她於2004年在網上發表了《他約我去迪士尼》一曲, 無心插柳下歌曲爆紅,當時仍是應屆會考生的她更獲邀與天后陳慧琳(Kelly)推出合唱版,慶祝主題樂園開幕,對此她形容自己「玩大咗」:「嗰陣從未見過咁多英文,有啲係訪問邀請,有啲係唔同公司嘅合約,點會咁樣?」

一曲成名後停滯不前 KellyJackie患抑鬱靠黃秋生走出陰霾

KellyJackie擔任節目《一曲走天涯》嘉賓

短短數月KellyJackie由網絡歌手走進主流樂壇,合唱版不但成為派台作品,更登上當年各大電台冠軍歌位置,總計下載數量超過20萬次,堪稱一時佳話,可惜後來陷入合約糾紛,事業開始停滯:「嗰段時間有啲版權問題,導致我只可以唱《他約我去迪士尼》,幾年內都係唱呢首,有啲歌手粉絲睇到後話『又係呢首歌,唱咗幾年喇』,你睇得到佢個口型。」憶述那段日子,KellyJackie不敢見人、不接電話;表演時要戴口罩、手震,甚至不讓自己碰琴,每天只會關起房門流眼淚:「上網查咗抑鬱症十大症狀,我除咗輕生唔敢做外,全部都中晒。」

一曲成名後停滯不前 KellyJackie患抑鬱靠黃秋生走出陰霾

KellyJackie憑一首《他約我去迪士尼》爆紅,可惜因合約糾紛事業停滯,更因而患上抑鬱

直到有一次KellyJackie和中學同學飯聚,發現自己走得比別人快,卻停滯不前:「有啲人做咗好喜歡嘅職業,但我好似喺到冇郁過,甚至退步,最後決定一定要搵啲嘢充實自己,我就去讀大學。」學習是一個很好的自我療癒過程,回顧過去、思考未來;大學畢業後,她還參加了甄詠蓓和黃秋生的戲劇班、甚至雙節棍,開拓了她的另外一面,在人生旅途上破舊立新。

一曲成名後停滯不前 KellyJackie患抑鬱靠黃秋生走出陰霾

KellyJackie靠黃秋生教戲走出陰霾

KellyJackie說唱了逾5,000次《他約我去迪士尼》,它陪伴了自己許多高高低低,也代表著一種成長:「以前我嘅自我價值好低,係靠呢首歌,出去表演嗰陣我先覺得我仲可以畀大家開心嘅感覺,呢個係我可以搵返唱歌嘅原因。」

一曲成名後停滯不前 KellyJackie患抑鬱靠黃秋生走出陰霾

KellyJackie認為《他約我去迪士尼》陪伴咗自己好多高高低低

責編:EK

編輯:Hin

編輯推薦


熱門評論

已複製連結