橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】有種人就係鍾意做愛情悲劇主角

文:港女友

唔知大家身邊有無一種朋友,成日都好似活喺「愛情悲劇」入面。好似單戀永遠失敗金成日都做兵被friend zone、拍拖又遇人不淑、另一半永遠都對自己唔好⋯彷彿同幸福兩個字無緣,愛情路總係唔太順暢。

【港女講女】有種人就係鍾意做愛情悲劇主角

有啲人可能真係單純眼光有問題,但有啲人根本就係好鍾意呢種狀態。身邊有個認識嘅男仔就係咁,不停單戀唔同嘅女神,自己係宅男級人馬,但偏偏每次都鍾意啲好多人追,眼角都唔會望你嘅女神,自然每次都係單戀失敗收場。於是呢位男仔長年都係處於「愛情悲劇」mode,不停喺Facebook傷冬悲秋式自憐:「點解我咁好都無人愛⋯」

呢種人根本自己好鍾意飾演呢場悲劇drama,好享受飾演一個「被害者」嚟得到關注。

【港女講女】有種人就係鍾意做愛情悲劇主角

每個人都會有自己喺人前想飾演嘅角色,有人會想扮作幸福美滿,另一半再差都會放大幸福,希望被羨慕。同樣有人會想扮演悲劇主角,總係飾演深愛落魄。所以無須太落力勸導對方,你教佢點樣出pool,點樣改變自己,點樣去溝女都無用。因為佢根本好樂意繼續做呢個角色。 

責編:EK

編輯:Hin

編輯推薦

【港女講女】都不是小孩子了,不如愛得坦白一點

有個認識嘅朋友,三十幾歲依然係A0,但佢並唔係萬物皆空唔渴望愛情,而係相反,非常非常渴望拍拖。認識佢以嚟,佢都分別都暗戀過好幾個女仔,但每次都係仲未表白就無疾而終,因為佢無信心、太怕醜嘅性格令佢永遠...

2020-02-07 15:51

【港女講女】選擇一個可以讓你坦白做自己的人

唔知大家年輕時有無試過鍾意一個人,然後令自己變成另一個人?

2020-01-31 16:15

【港女講女】一個會偷食嘅人,點都會搵到方法去偷食

有個女性朋友對自己另一半異常無信心,成日都覺得另一半會偷食,OT就覺得係同女同事有約、無聽電話就一定係做緊衰野⋯⋯於是佢對另一半睇得好緊,要求對方定時影相報到,又成日check住對方電話等等。

2020-01-24 13:35

熱門評論

已複製連結