橙新聞

【專訪】懂韓文添工作機會 嚴崇天未敢強求做旅遊達人

採訪、撰文:勞子軒
拍攝:譚健斌、范騏韜
剪接:譚健斌

當初抱著功利的心態重拾韓文,但韓文進步後確實為嚴崇天增添工作機會,隨著與韓國有關聯的工作漸增,他卻未敢急於成為韓國旅遊達人,反而渴望今年內推出具人情味的韓國旅遊遊記。

為工作讀韓文

嚴崇天現時為不少韓星見面會擔任司儀,又不時會介紹韓國的食買玩好去處,不過他坦言當初接觸韓文是抱功利的心態:「老實講起初興趣唔算好大,雖然讀大學有接觸韓文,但好快放棄,直到喺有線開始接觸韓星,試過做專訪嗰陣好想用韓文同佢哋溝通,但講完佢哋聽唔明,嗰陣覺得好失敗。」他認為他朝一日能用韓文與韓星做專訪,效果應該會更好,故此乾脆強迫自己重拾韓文,不斷前往韓國修讀短期韓語課程:「我唔會話我好鍾意韓文同韓國嘢,所以特登花時間去韓國讀書,你諗吓要請無薪假喎,不過我認為如果我嘅語言溝通到,其實真係有幫助,所以我選擇去讀書。」

【專訪】懂韓文添工作機會 嚴崇天未敢強求做旅遊達人

工作機會增加

隨著韓文實力有所進步,果然為嚴崇天帶來不少工作機會,他認為最明顯的是多了機會主持韓星見面會:「雖然冇硬性要求一定要識韓文,但講真我至少企喺台上聽得明對方講乜,我會有反應,都可以對答,可能同其他人比多咗呢個優點。」同時他認為因為懂得韓文而認識更多韓國朋友和文化,甚至拍攝電視節目要搜集資料時,都能夠用韓文尋找到韓國人介紹的好去處:「如果淨係打中文Search地方,永遠唔會搵到好玩嘅地方,我用韓文打我睇到嘅資料就係當地人睇嘅資料,我搵嘅地方又會唔同啲,咁慢慢地視野闊咗,識嘅人多咗,然後工作就越來越多。」嚴崇天還自爆原本有一套很出名的韓國電影,第二輯想邀請他配音,可惜因為撞期的關係而無奈放棄機會。

【專訪】懂韓文添工作機會 嚴崇天未敢強求做旅遊達人

被泫雅所感動

嚴崇天先後主持過不少韓星見面會,接觸多位韓星後,他坦言對泫雅印象最深刻,除了泫雅是他首場主持的韓星見面會外,她更是一個極度沒有架子的藝人:「好多韓星接受嘅培訓好好,對人一定好有禮貌,但總會感覺到嗰個人喺有禮貌當中個溫度有幾高,定係做出嚟?泫雅就係你感覺到真係好真。」嚴崇天憶起與泫雅及團隊開會時,被泫雅問起其名字是什麼,並直言不能只叫他做「MC」,當他告知其韓文名字後,泫雅竟然在見面會上直接稱呼他的韓文名,令他大為驚喜:「見面會上佢先唱歌,唱完歌後佢會介紹MC出場,佢Tag我出場嘅時候真係講埋我個名出嚟,個場成千幾二千人,你喺咁多人面前去介紹出嚟,仲係用韓文全名去介紹,我覺得好好。」 

【專訪】懂韓文添工作機會 嚴崇天未敢強求做旅遊達人

未敢做旅遊達人

同樣是娛樂主播出身,周奕瑋靠著流利的日文和對日本的認識,被無綫打造成日本通,如今嚴崇天漸漸與韓國扯上關係,不過他卻沒有信心與周奕瑋一樣做旅遊達人:「我覺得Jarvis(周奕瑋)真係好厲害,好勤力嘅人,對日本好熟悉,日文都好叻,先Build up到佢呢個位置,我覺得我同佢嘅差距係存在著,譬如我韓文相信冇佢嘅日文咁流利,但我而家最希望係唔想同人哋比較,老套啲講每個人走嘅路真係唔同,我而家韓國呢一條線係其中一條線,我仲有好多野想做,我想繼續寫小說做作家、做多啲唔同類型嘅節目、喺自己生意上可以發展更大市場,我嘅要求係不求完美只求進步。」他認為由主持首場韓星見面會開始,這一年多的時間已獲得很多東西,亦得到身邊很多人的幫助,讓他覺得自己亦要爭氣:「可能我年幾前喺見面會到講韓文,係好差好差,但最少我想畀人知我嘗試想同個星去溝通、接觸,因為人哋聽到你講,等於你見到外國人走到香港講廣東話你都會覺得好Appreciate呢樣野,我都好希望做到呢樣野。」

【專訪】懂韓文添工作機會 嚴崇天未敢強求做旅遊達人

相比起成為旅遊達人,此刻嚴崇天卻最希望推出一本韓國旅遊遊記,他認為坊間不少旅遊資料書內容相異,只是做資訊搜集,誰人撰寫也差不多,故此他渴望以遊記方式撰寫,再配合介紹景點等資料,製作以人為主的旅遊書,現時他已找到6至7個人一同合作撰寫,希望能在今年推出。

鳴謝:Barry@巧鬆啲工作室

責編:EK

編輯:Hin

編輯推薦

【專訪】視2019年為好開始 楊柳青盼與武打演員劃上等號

2019年對於楊柳青來說是豐收的一年,事業上成功為「武打演員」身份奠定基礎,收起拳頭於《解決師》演性感女秘書亦獲得不少知名度;愛情路上亦告別單身戀上外籍男。楊柳青視去年為一個好的開始,未來最渴望還是朝...

2020-01-07 09:18

【專訪】確信「星二代」是光環 黃宇詩盼能成為黃霑的驕傲

當年黃宇詩挾著「星二代」的名銜出道,卻因自己的不懂事而未有善用自身的優勢,多年來鮮有令人印象深刻的作品,反而一宗感情糾紛卻成為全城熱話。「星二代」背負沉重的壓力,黃宇詩依舊認為這三個字是絕對的光環...

2019-12-10 09:14

【專訪】曾是傷春悲秋的人 張紋嘉踏上靈性之旅學會抽離看事物

近年靈性治療大熱,不少人都從中得到啟發以及療癒,得到身心靈的放鬆。藝人張紋嘉(Crystal)自小喜歡神怪東西,更從2011年開始真正接觸靈性領域的事物,全因當時情緒受困,機緣巧合下,踏上這條靈性的道路。

2019-12-23 09:15

熱門評論

已複製連結