橙新聞

王子人瘦皮膚好 鄧麗欣企隔籬大壓力:我有叫佢增肥

文:Hin

藝人鄧麗欣(Stephy)繼早前出席紐約時裝周後,近日再獲邀亮相巴黎時裝周,她更有幸與全球逾200位時尚名人一同參加國際名模Kate Moss的派對,難怪Stephy興奮表示:「一直好期待見Kate Moss,覺得佢好型,可以目睹國際名模風采,真係好難得。見到佢真人後,跟想像中沒有太大分別,覺得佢好有氣質好吸引,只是遺憾未能合照!」

王子人瘦皮膚好 鄧麗欣企隔籬大壓力:我有叫佢增肥

Steph近日再獲邀亮相巴黎時裝周

Stephy月初出席紐約時裝周前曾刻意Keep Fit,務求以最佳狀態示人,未知今次見Kate Moss前可有「重施故技」?她表示:「最近好多人話我瘦咗好多,自己唔係太覺;今次冇刻意減肥,覺得而家身形OK。(最滿意邊個地方?)塊面!而家唔會Baby Fat,其實最緊要都係塊面,大家第一眼都係望塊面,同埋冬天着多兩件衫,身形係點都唔會覺。」

王子人瘦皮膚好 鄧麗欣企隔籬大壓力:我有叫佢增肥

Stephy話而家最滿意係塊面,因為冇咗Baby Fat

如今Stephy被指消瘦,未知男友王子(邱勝翊)可會叫她增肥?Stephy聞言即甜絲絲表示:「唔會啦,我喺佢隔籬好大壓力,佢又瘦、皮膚又好。我反而有叫佢增肥,成日都叫佢食嘢,不過佢天生唔鍾意食嘢,而家算係畀我感染咗食多了!」

王子人瘦皮膚好 鄧麗欣企隔籬大壓力:我有叫佢增肥

Stephy「抱怨」男友王子太瘦,搞到佢喺隔籬好大壓力(Instagram圖片)

不過Stephy自爆初出道時曾因為Baby Fat的身形而感到挫敗:「初初出道做Model時,覺得上鏡塊面好肥、腰、身全部都好唔滿意,於是進行地獄式減肥,跟Sammi(鄭秀文)飲食餐單去減,嗰段時候食好少,同學放lunch大魚大肉,我就食梳打餅加隻蛋,後來發覺咁樣落去唔得,個人會好攰同好唔開心,最終都係放棄咗。」

王子人瘦皮膚好 鄧麗欣企隔籬大壓力:我有叫佢增肥

Stephy自爆初出道時因為Baby Fat嘅身形而感到挫敗

責編:林偉德

編輯:Hin

編輯推薦

成為紐約時裝周「新鮮人」 鄧麗欣行街幫王子睇埋衫

2020年春夏時裝周輪流在紐約、米蘭和巴黎上演,向來對時尚甚有心得的鄧麗欣(Stephy)近日獲邀出席紐約時裝周,作為紐約時裝周「新鮮人」,Stephy於開騷前坦言心情興奮:「去年曾經參加米蘭時裝周,紐約時裝周則...

2019-09-10 16:17

【同傅穎破冰】Cookies有望合體?鄧麗欣:唔係冇可能

藝人鄧麗欣(Stephy)自從與傅穎(Theresa)破冰後,不少人都關心她們的近況,近日更傳出Stephy有意助Theresa回港發展,不過Stephy昨日(5號)出席品牌活動時就否認傳聞,並指對方有自己所屬公司,不用她代勞,她...

2019-09-06 12:12

【曾傳不和】破冰第一步?鄧麗欣傅穎互相Follow對方Instagram

藝人鄧麗欣(Stephy)同前Cookies隊友傅穎(Theresa)嘅不和傳聞傳足咁多年,而每次餅碎嘅聚會定必冇Theresa份,就連粉絲們都覺得二人和好嘅機會微乎其微,不過世事無絕對,正當大家以為佢哋老死不相往來之際,St...

2019-07-22 10:57

熱門評論

已複製連結