橙新聞

【專訪】曾考慮為老公生B 方健儀被「現實」恐懼掩蓋生育念頭

採訪、撰文:勞子軒
拍攝、剪接:邱澤銘

方健儀由昔日的新聞主播輾轉投身自由工作者行列,幾年來試盡各類型的新挑戰,最近還為香港開電視的健康資訊節目《Fit開有條路》擔任主持,每項挑戰都打破外界對她的既有印象。能夠在自由工作者行列中打出一片天,方健儀認為全靠擁有「莊諧並重」的獨特之處。

真性情太遲被發掘

擔任主播期間需要保持專業穩重的形象,讓方健儀被外界定型為「嚴肅」、「正經」,然而轉投自由工作者行列後,不少人驚訝她竟然唱歌拍戲模特兒搞笑辮辮做齊,她也坦言真性情被發掘得有點遲:「以前冇咁嘅平台去表露自己真性格,報新聞冇理由出面天災人禍死人冧樓你仲喺到『哈哈』,一定畀人打畀人投訴,而家有機會做返自己,咪將真性情表露出嚟。」

【專訪】曾考慮為老公生B 方健儀被「現實」恐懼掩蓋生育念頭

方健儀坦言自己嘅真性情太遲被發掘

被邀拍戲以為是騙案

自從另一面被發掘後,方健儀試過不同方面的工作,當中她直言最想意不到會拍戲,更是參與郭富城、梁家輝主演的《寒戰II》,一度令她覺得是個騙局:「對方用好轉折嘅短訊搵我,我諗緊呢個係騙案,都傻嘅搵我拍戲,但傻得嚟我都要試吓佢虛實,問佢有乜對手,跟住佢話對手係梁家輝,我心諗都傻嘅梁家輝點會同我對,但我都決定去睇一睇體驗吓,如果係騙案我咪可以寫一篇故仔去踢爆佢,結果去到係真嘅片場同真係有梁家輝!」方健儀憶述當時她只有4句對白,竟然拍了足足8小時,讓她「大開眼界」,不過她沒有因而嚇怕拍戲,直言若有人有膽量和賞識她,邀請她拍戲的話,她都樂意奉陪。

【專訪】曾考慮為老公生B 方健儀被「現實」恐懼掩蓋生育念頭

方健儀冇諗過會同梁家輝合作《寒戰II》(方健儀Facebook圖片)

把心一橫接受每個新挑戰

方健儀無論接受唱歌、拍戲、模特兒行Catwalk等新挑戰,最後都憑出色的表現大獲好評,然而表面自信的背後,原來每次有新的工作邀請她都質疑自己能否勝任:「好似大家知道我識唱歌嘅時候,有一個商場搵我年30晚唱跨年唱到年初一,我都喺到諗我啱唔啱做呢類型嘅嘢,因為呢啲通常都係現役歌手去做。」直到旁人告訴她放棄機會就未必再有下次時,方健儀才決定把心一橫,抱著最後一次的心態去做:「結果就係得嗰一千零一次,之後都未必有人記得我係會唱歌!」不過正因為她抱著這種心態,才令她每每有不同突破。

【專訪】曾考慮為老公生B 方健儀被「現實」恐懼掩蓋生育念頭

表面自信嘅方健儀原來都不時質疑自己可唔可以勝任新嘅挑戰

莊諧並重

方健儀在短短幾年間已成為成功的自由工作者,雖然她謙稱不敢叫自己成功,但認為當中最重要是找到自己獨特的性格,並將這長處加以發揮:「我嘅獨特之處係可以莊諧並重,你要我專業又得搞笑又得,當市面上冇乜呢類人嘅時候咪可以發揮到,呢幾年我可以搵到自己條路,亦幾開心呢條路可以繼續行落去。」

有考慮過生小朋友

方健儀於事業方面發展非常順利,在家庭上她則擁有一段美滿的婚姻,與老公洪楚恆結婚9年一直恩愛,她更樂於做個喜愛撒嬌的小女人。在這幾年二人世界期間,方健儀坦言曾有想過為老公生小朋友:「我老公好鍾意小朋友,每次見到佢抱住朋友嘅小朋友,嗰個慈父樣好唔同,同埋佢有種吸引力令啲小朋友好黐佢,所以我好幾年前曾經覺得佢都值得擁有一個小朋友。」

【專訪】曾考慮為老公生B 方健儀被「現實」恐懼掩蓋生育念頭

方健儀曾經諗過為老公生小朋友(方健儀Facebook圖片)

可惜最後方健儀被名為「現實」的恐懼蓋過生育的念頭,她亦不斷游說老公不要生小朋友,甚至坦言幾年後過了生育年齡就不用再想,儘使現時部分高齡產婦過了50歲仍能生育,她都寧願放棄:「我冇信心在於唔係個個年齡嗰副偈都可以生到,第二係你生完佢出嚟之後仲有好多嘢要跟進,我成日諗如果我50歲真係生到一個出嚟,到我60歲退休年齡佢先得10歲,到時我都跑唔郁,我嘅身體狀況就算生到都未必照顧得好,所以都係唔好搞我!」

髮型:Vincent Yeung @ M Plus Salon
化妝:Herman Ng
服裝:Agnes b.
飾物:Diana Law Printed Accessories
場地:Kowloon Partyroom

責編:林偉德

編輯:Hin

編輯推薦

【專訪】林秀怡林景程交換心底話 男方優點係識桔人?

男女之間存在純友情,你信嗎?今次請到藝人林秀怡和她的好友林景程(阿King)交換心底話。互稱不過電的他們,到底有甚麼猛料爆,還是互相傷害?

2019-09-10 09:06

【專訪】不介意做御用專業人士 林景程坦言擁有物理治療牌是福份

藝人林景程擁有斯文的外表,他飾演過醫生、律師和法醫等角色,更被網友封為「御用專業人士」。今年是景程入行十年,為了演藝夢,他放棄做全職物理治療師,這十年,究竟他得多,還是失多?

2019-09-03 11:27

【專訪】一直抱著初心演戲 林秀怡不會輕易放棄做演員

28歲的藝人林秀怡入行十一年,21歲那年,她在《怒火街頭2》中飾演孕婦,更親身裸露於高空中一幕,叫觀眾難下深下印象。印象是留下來了,可是其後的角色並沒有太大起色。直至近這兩、三年,秀怡劇中戲份越來越重,...

2019-08-27 10:06

熱門評論

已複製連結