橙新聞

羅天宇蔣家旻「兄妹」重聚 網民嗌掛住「馬家」

文:Hin

提到近年經典嘅無綫處境劇,相信唔少人都會話係《愛.回家之開心速遞》,但曾幾何時第一輯嘅《愛.回家》同樣深受網民喜愛,唔少人都期待「馬家」可以再次出現。雖然要馬家喺戲內重聚並非易事,但戲中飾演兩兄妹嘅「馬子仁」羅天宇同「馬子妮」蔣家旻(Angel),近日就喺日本嚟個戲外「兄妹重聚」!

羅天宇蔣家旻「兄妹」重聚 網民嗌掛住「馬家」

係「馬子仁」同「馬子妮」呀!(Instagram圖片)

Angel目前喺日本東京短期留學,咁啱喺當地嘅羅天宇當然要搵「阿妹」聚舊,Angel將佢哋見面嘅相放上社交網,見到佢哋無論喺街頭定係餐廳都自拍打卡,睇嚟真係好開心,Angel更留言:「我地(哋)終於相見。」至於羅天宇亦喺自己社交網晒出合照,並留言話:「馬子仁 馬子妮」

羅天宇蔣家旻「兄妹」重聚 網民嗌掛住「馬家」

「兩兄妹」一見面後行街又自拍(Instagram圖片)

羅天宇蔣家旻「兄妹」重聚 網民嗌掛住「馬家」

食嘢又自拍(Instagram圖片)

唔少網民見到佢哋「兩兄妹」同框都紛紛留言話掛住「馬家」,仲話希望「馬家」有機會返嚟添,其實而家《愛.回家之開心速遞》啲編劇經常腦洞大開,甚至搵到唔少勁人好似前中國女排隊長孫玥同歐陽震華等嚟客串,或者要「馬壯」佢哋嚟客串返一集都唔係冇可能㗎!

羅天宇蔣家旻「兄妹」重聚 網民嗌掛住「馬家」

羅天宇幫「阿妹」影靚相(Instagram圖片)

責編:林偉德

編輯:Hin

編輯推薦

認頭係陳年舊照相中人 鄭秀文自嘲面腫變「西瓜肌」

近排網上流傳一張明星舊相,大家紛紛喺到估相中人係鄭秀文(Sammi)定楊千嬅,事後有人公開答案,搵到張相係Sammi當年喺西九龍中心出活動嗰陣拍攝。不過呢件事估唔到引起本尊關注,Sammi噚日喺社交網承認係相中人!

2019-05-28 10:18

【林盧去追星】盧海鵬回春大跳Kpop  被林建明笑似金魚佬

昨晚播出的《林盧去追星》講到林建明(大姐明)與(盧海鵬)鵬哥到首爾一間排舞室了解韓國女團S.I.S的日常舞蹈訓練。平日一向生人勿近的鵬哥看見一眾青春無敵的少女,鮮有地停止「試咪」,更展現其活力的一面,跟...

2019-05-28 10:31

Justin Bieber黑白相放閃 為老婆改花名:她是我的goo goo

Justin Bieber至上年同老婆Hailey閃婚後,一直愛得纏綿。近日Justin Bieber又喺社交網放閃,圖中見到二人雙雙入鏡,Justin Bieber更攬實愛妻,真係肉麻。

2019-05-28 10:04

熱門評論

已複製連結