橙新聞

群姐戲內圓夢有望?歐陽震華晒熊家合照預告客串《愛.回家》

文:Hin

無綫處境劇《愛.回家之開心速遞》中飾演「伊莎貝拉.群」嘅許思敏,出晒名鍾意歐陽波比(歐陽震華),早前思敏姐喺戲外圓夢,同歐陽震華合作為商場拍攝母親節宣傳片。不過網民始終想佢哋喺《愛.回家》中碰面,而呢個願望或者能夠實現,皆因歐陽震華真係客串《愛.回家》!

群姐戲內圓夢有望?歐陽震華晒熊家合照預告客串《愛.回家》

「群姐」許思敏早前喺戲外同歐陽震華合作,唔少人都希望佢哋可以喺《愛.回家》碰面(Instagram圖片)

歐陽震華噚晚喺社交網晒出一張同熊家人嘅合照,而佢就以劇集《金裝四大才子》嘅「祝枝山」造型現身,並留言:「為何『祝枝山』會出現在《愛回家》?謎底即將解開........」至於歐陽震華回應傳媒嗰陣,透露自己知道群姐鍾意自己,好想入組玩吓,所以就同曾勵珍自薦,而佢今次會客串兩集,自己都希望群姐唔使對住紙牌可以見真人。

群姐戲內圓夢有望?歐陽震華晒熊家合照預告客串《愛.回家》

歐陽震華以「祝枝山」造型登陸《愛.回家》(微博圖片)

網民對於集氣成功,推到歐陽震華客串《愛.回家》都好激動,不過張相就喺熊家拍攝,唔少人都擔心歐陽震華係咪只會同熊家做對手戲,最終都冇辦法令群姐圓夢,究竟群姐可唔可以得償所願,真係要到時播出先知!

責編:林偉德

編輯:Hin

編輯推薦

「群姐」終於開IG!許思敏:白滑身軀曼妙胴體等緊你

無綫處境劇《愛.回家之開心速遞》收視一直高企,深受觀眾喜愛,連帶一班綠葉配角都成功彈起,為咗同網民有更直接嘅交流,呢班綠葉演員好似「曹總」劉一飛、「譚道德」陳榮峻都先後開咗Instagram(IG),最近就輪...

2019-05-09 10:09

許思敏圓夢同歐陽震華拍廣告 網民興奮:幾時到《開心速遞》?

有睇開無綫處境劇《愛.回家之開心速遞》嘅觀眾,都知道伊莎貝拉.群(許思敏飾)係歐陽震華嘅鐵粉,而喺現實入面許思敏都好鍾意歐陽震華,一班網民都希望佢哋能夠喺《開心速遞》合作,日前有網民喺九龍城目擊歐...

2019-05-08 16:11

歐陽震華客串《開心速遞》?群姐有望見到偶像?

近排要數到無綫處境劇《愛.回家之開心速遞》最受歡迎嘅配角,伊莎貝拉.群(許思敏飾)定必榜上有名,特別係佢前排當眾展現佢嘅白滑胴體後,更係令人難以忘懷!如果大家有留意開群姐,都會知道佢係歐陽波比(即...

2019-03-29 09:34

熱門評論

已複製連結