橙新聞

【有乜意思?】畀容祖兒寸邁向方形腰 張敬軒用兩個英文字母回擊

文:Hin

歌手容祖兒即將舉行入行20年第10次的紅館個唱,同公司張敬軒日前就幫祖兒進行另類宣傳,化身亞熱帶混血新人「火龍果」惡搞祖兒嘅新歌《Pretty Crazy》,到咗今日(9號)輪到祖兒反擊,佢喺社交網轉載一段10年前軒仔祝賀佢入行10周年嘅影片,留言寸軒仔依家肥咗之餘仲話佢成為香港天后添!

【有乜意思?】畀容祖兒寸邁向方形腰 張敬軒用兩個英文字母回擊

容祖兒同張敬軒老友鬼鬼(Instagram圖片)

睇返當年軒仔嘅影片,佢向祖兒講到:「喂!容祖兒,有無見到你自己呀?係呀話咁快就10年喇,你又邁向Auntie級嘅Artist喇。喺度要恭喜你啦,希望你繼續成為香港嘅天后,我都希望我可以成為天王,希望你可以支持吓我,希望所有人都繼續鍾意容祖兒,繼續支持祖兒。」

【有乜意思?】畀容祖兒寸邁向方形腰 張敬軒用兩個英文字母回擊

祖兒轉載軒仔10年前嘅片(影片截圖)

祖兒除咗轉載影片外,仲學晒當年軒仔嘅口吻留言反擊:「喂山寨版Justin Barbie,有無見到你自己呀?係呀話咁快就廿年喇,你由面無四両肉邁向方形腰啦!喺度要恭喜你啦,因為係咁你已經成為香港嘅天后喇!希望你可以停止再食糖水(拍廣告當日我親眼目睹佢鯨呑兩大碗椰王燉桃膠,連我本來嗰碗都食埋)」

雖然祖兒寸軒仔肥咗兼成為「天后」,但最後亦好窩心咁話:「不過無論點都好,希望所有人都繼續鍾意支持肥軒,因為佢真係好抵錫,我覺得光榮因有佢擁戴。」至於被寸嘅軒仔只係回咗兩個英文字母「DL」,心水清嘅大家唔知理唔理解到有咩含意呢?

【有乜意思?】畀容祖兒寸邁向方形腰 張敬軒用兩個英文字母回擊

張敬軒淨係回咗句「DL」,唔知咩意思呢?

責編:林偉德

編輯:Hin

編輯推薦

有埋片!張敬軒惡搞容祖兒新歌毫不馬虎

最近歌手容祖兒出咗首新歌《Pretty Crazy》,嚟緊8月仲會喺紅館舉行《PRETTY CRAZY演唱會》,除咗祖兒落力宣傳外,同公司嘅張敬軒亦幫手做「另類」宣傳,將自己打扮成祖兒MV入面嘅造型,無論動作定扮相都有8成似...

2019-05-07 12:00

張敬軒惡搞容祖兒演唱會海報 阿Sa問:係咪冇食藥呀?

張敬軒近年好鍾意玩惡搞,繼上次同Donald扮完泰國人同巴士司機「有咩問題」事件後,今日又發功,今次係惡搞容祖兒,仲扮佢演唱會海報個造型添!

2019-05-06 17:03

拍片抽水順勢宣傳 張敬軒當奴神還原「你有咩問題?」

近日有段影片喺網上瘋傳,影片關於一個自稱泰國人嘅男乘客拒絕落巴士,然後同車長展開一場妙問妙答,男乘客多次重覆問車長「你有咩問題?」,成頭問號嘅車長問返男乘客轉頭,佢哋好似無限輪迴咁重覆以上嘅對話,...

2019-05-02 17:24

熱門評論

已複製連結