橙新聞

【主人的偉大】愛貓患不治之症 袁文傑願用自己時間換取愛貓生命

文:Hin

藝人袁文傑係出晒名嘅愛貓之人,仲養咗一隻貓咪「囝仔」,囝仔噚日(1號)10歲生日,不過原來袁文傑曾擔心愛貓可唔可以度過9歲生日,皆因愛貓患上不治之症,接受咗長達9個月化療,如今愛貓度過10歲生日,袁文傑亦感觸良多,噚日喺社交網發表長文,讚囝仔係「生命鬥士」外,仲希望用自己嘅時間換愛貓嘅生命時間。

【主人的偉大】愛貓患不治之症 袁文傑願用自己時間換取愛貓生命

囝仔10歲啦(Instagram圖片)

袁文傑喺留言中提到化療期間愛貓每日食唔少有毒藥物,好多時每周一次覆診,每次覆診都要抽血:「每次覆診醫療人員也重覆問著(着)同一問題,我也回應無甚變化的狀況。」他指愛貓本來喺藥物輔助下胃口有好轉,雖然未回復最高水平,但增咗磅都覺得好開心,但化療完成後愛貓胃口又再下降,體重亦再減輕:「近日,當幫囝仔『梳毛毛』時,那把梳很容易便會碰到他的『骨節』,每碰一下,自己心便不舒服,很不舒服!上週(周)驗血報告,那些令人不安指數又再上升,若果,這就是要停止藥物而去觀察其真實狀況,出來的結果,代表著(着)殘酷之現實,但我有時心裡(裏)很憤怒,為何不繼續給他服一點藥物,令他胃口保持,至少,要打仗,就要有足夠體魄,但醫院要看數據,可是,不好指數上升,到頭來,仍是要再度復藥,應該是吧!」

【主人的偉大】愛貓患不治之症 袁文傑願用自己時間換取愛貓生命

不過囝仔患咗不治之症,袁文傑都好心痛(Instagram圖片)

袁文傑坦言按比例愛貓已經比自己年長,自己都會諗呢種年齡比例可唔可以繼續增加,佢甚至希望可以用自己嘅一啲時間,換取愛貓嘅生命時間。唔少網民都明白袁文傑作為主人有幾心痛,都紛紛留言支持袁文傑,並為囝仔集氣,希望佢可以健健康康。

【主人的偉大】愛貓患不治之症 袁文傑願用自己時間換取愛貓生命

袁文傑希望用自己時間換取囝仔嘅生命(Instagram圖片)

【主人的偉大】愛貓患不治之症 袁文傑願用自己時間換取愛貓生命

唔少有養寵物嘅網民都明白袁文傑嗰種心情(Instagram圖片)

責編:林偉德

編輯:Hin

編輯推薦

大方帶張馨月出席飯聚 林峯搭實女友勁Sweet

唔少女士認為男朋友肯帶自己出席對方朋友飯聚係一種認證,林峯同張馨月雖然多次被影到,但對於感情事男方近年都低調處理。不過蔡一智日前就Post咗飯聚合照上網,仲見到林峯搭實張馨月,睇到都覺得好Sweet呀!

2019-05-02 10:34

木村拓哉親自着上身認證禮物 羅志祥興奮嗌爽

日本男星木村拓哉雖然入行廿幾年,但人氣冇被一班後輩蓋過,一直深受各地粉絲歡迎,上年年尾木村特意開咗個微博帳號同內地粉絲互動,仲不時用中文留言,相當有誠意,至今已經有138萬多粉絲追蹤!

2019-05-02 10:06

黃心穎被追擊 網上發起「驅狐行動」要求褫奪其香港小姐亞軍資格

自上月許志安和黃心穎爆出「安心事件」後,二人一直被網友追擊,近日更有網友發起代號「驅狐行動」的聯署計劃,希望無綫與黃心穎即時終止經理人合約,看來今次黃心穎事業直插谷底。

2019-05-02 09:32

熱門評論

已複製連結