橙新聞

【受情傷?】疑似喊到眼腫 菊梓喬:希望有人好好保護我

文:Hin

近日天氣開始麻麻,仲不時落雨,搞到個人嘅心情都變得鬱悶,歌手菊梓喬(Hana)唔知係咪都受到天氣嘅影響,呢日喺社交網Post咗一張眼腫腫疑似喊完嘅相,仲話自己想做男仔,有想要保護嘅人,只係今世做咗女仔,唯有希望被保護。

【受情傷?】疑似喊到眼腫 菊梓喬:希望有人好好保護我

Hana post咗呢張相,疑似喊到眼腫(Instagram圖片)

Hana喺留言中講到:「下一輩子我要做個男生,好好保護我愛的人,這輩子生了在女生的身體上,唯有希望有人好好保護我⋯ #其實我覺得我似男仔多d(啲) #我也有我想要保護的人 #重擔由我來撐 #細個入女廁會比人誤會是男生 #素顏的態度 #我是我 #鋼鐵有淚 #hana菊梓喬 #鐵探」除此之外,Hana仲喺限時動態留言:「不奢求…不妄想…心甘了…已再沒有任何顧慮…」以及分享一首講述女仔喺分手後想復合嘅心情嘅歌。

【受情傷?】疑似喊到眼腫 菊梓喬:希望有人好好保護我

Hana嘅留言都好灰(Instagram限時動態截圖)

【受情傷?】疑似喊到眼腫 菊梓喬:希望有人好好保護我

仲分享一首講分手後想復合心情嘅歌(Instagram限時動態截圖)

唔少粉絲見到偶像突然咁唔開心,都紛紛留言關心佢發生咩事,仲話會一輩子守護偶像。雖然Hana一直聲稱單身冇人追,但如今講到想有人保護兼疑似喊到眼腫,莫非佢經歷情傷?

【受情傷?】疑似喊到眼腫 菊梓喬:希望有人好好保護我

粉絲都好關心Hana係咪有心事(Instagram圖片)

責編:林偉德

編輯:Hin

編輯推薦

【自嘲攞大獎靠運】望有正桃花!菊梓喬否認約同性好友放狗

歌手菊梓喬(Hana)今日出席馬會活動,透露今個新年會預少許賭本,與朋友夾錢投注沾運氣,笑言本身不懂賭錢,之前都是「跟隊」和朋友一起玩,但至今從未贏過錢,認為自己九成運氣都在音樂上,否則都不會奪得大獎...

2019-01-18 17:32

被質疑虛報年齡兼買點擊率 菊梓喬列四點反擊

歌手菊梓喬(Hana)於日前舉行的《2018年度勁歌金曲頒獎典禮》中,揮低容祖兒首奪「最受歡迎女歌星」獎成為熱話,不少網民狂插她未夠班獲得大獎,甚至翻她舊賬,質疑她虛報年齡兼且買點擊率。

2019-01-16 09:58

被指暗寸菊梓喬未夠班 吳若希:如有得罪,純屬你小器

歌手菊梓喬(Hana)在日前舉行的《2018年度勁歌金曲頒獎典禮》中揮低容祖兒首奪「最受歡迎女歌星」獎,當宣布她獲獎一刻,曾與Hana傳不和的吳若希(Jinny)反應浮誇笑不停,被網民質疑恥笑成分居多。其後Jinny接...

2019-01-15 10:12

熱門評論

已複製連結