橙新聞

IPhone變朱古力?張敬軒受騙「嬲」到震:直情要上警訊

文:Hin

唔少粉絲為咗氹偶像開心,送禮物絕不手軟,好似呢日歌手張敬軒喺社交網晒出一張iPhone手機盒嘅相,以為粉絲咁破費買部手機畀自己,點知原來畀粉絲大整蠱,搞到軒仔「嬲」到擺上網大呻,仲話「呢單嘢直情要上警訊」!

IPhone變朱古力?張敬軒受騙「嬲」到震:直情要上警訊

張敬軒畀粉絲整蠱,「嬲」到話「呢單嘢直情要上警訊」(Instagram圖片)

軒仔留言講到自己屋企喺屋企清理上次簽名會粉絲送嘅禮物,跟住見到有部sealed嘅大iPhone,搞到心入面內疚咗好耐,仲用「鄧碧雲媽打腔」心諗:「我啲歌迷成日都咁破費,搵個錢唔容易,真係有我心 #粒眼淚真係爭啲就跌出黎」之後再轉「李司棋真情阿家腔」心諗:「既然人哋一番好意就唔好拒絕啦,啲電器擺得耐都會壞㗎!」

IPhone變朱古力?張敬軒受騙「嬲」到震:直情要上警訊

張敬軒收到粉絲送嘅「iPhone」(Instagram圖片)

軒仔諗住接受粉絲好意,點知打開一下發現中晒伏,原來自己畀人呃咗:「#點_知 我一打開,我變咗隻澳洲樹熊  #唔_係啩 #金莎嚟嘅趙李」嗰位粉絲仲要細心到加咗一塊啱晒Size嘅鐵板扮重,搞到軒仔即刻轉周星馳Tone嗌「好嘢」:「#我話你知我班fans真係食腦㗎 #正所謂有仇不報非君子 #你哋班嘢你ting(等)住下次買碟收隻光酥餅喇你哋 #對上呢句記得用黃韻詩tone  #亞叔你哋都呃真係好冇陰功 #佢仲有俾埋收據㗎佢」

IPhone變朱古力?張敬軒受騙「嬲」到震:直情要上警訊

點知打開係朱古力(Instagram圖片)

IPhone變朱古力?張敬軒受騙「嬲」到震:直情要上警訊

粉絲仲要勁好心加咗塊啱Size嘅鐵板扮重(Instagram圖片)

不過軒仔嘅遭遇冇獲得圈中好友嘅同情,何韻詩取笑軒仔「正懵炳」:「無咗封膠你都收,正懵炳」蔡卓妍亦話:「人哋花咁多心思嚟呃你 都呃得抵啦」至於李司棋留意到軒仔用咗「腔」,都特登留言更正話:「雖然好慘豬,但請留意李司棋真情是善姨腔,阿家由萱姨黎萱飾演」 

責編:林偉德

編輯:Hin

編輯推薦

「舞台劇」關寶慧膺最佳女主角爆喊 袁富華喜獲男配角獎

入行28年的關寶慧,這次憑《她媽的葬禮》首獲提名兼獲得香港舞台劇獎「最佳女主角(喜劇/鬧劇)」,領獎一刻亦特別感觸,於台上爆喊分享得獎感言,感謝恩師鍾景輝。到台下拍照時情緒依然未平伏,直言似以前在街上...

2019-04-11 15:24

【恭喜】Super Girls Jessica宣布結婚:「叫我台灣小媳婦」 

恭喜晒,Super Girls成員蔡明思(Jessica)今日宣布即將成為台灣人妻,Jessica仲係第一個Super Girls成員結婚添!

2019-04-11 14:26

承認有偷拍淫片 崔鍾訓被控落迷姦水性侵女生

韓星鄭俊英早前爆出在聊天群組內散布偷拍性愛片,其中被公開的群組成員之一的FTIsland前成員崔鍾訓,今日(11號)遭一名女生指控曾遭到對方落藥性侵!

2019-04-11 13:57

熱門評論

已複製連結