橙新聞

歐陽震華客串《開心速遞》?群姐有望見到偶像?

文:Hin

近排要數到無綫處境劇《愛.回家之開心速遞》最受歡迎嘅配角,伊莎貝拉.群(許思敏飾)定必榜上有名,特別係佢前排當眾展現佢嘅白滑胴體後,更係令人難以忘懷!如果大家有留意開群姐,都會知道佢係歐陽波比(即歐陽震華)嘅鐵粉,仲要唔止一次公開表達對對方嘅愛,搞到好多人都希望歐陽震華能夠客串一集,一圓群姐嘅心願,而呢個願望或者能夠實現?

歐陽震華客串《開心速遞》?群姐有望見到偶像?

群姐唔止一次表達對歐陽波比嘅愛(影片截圖)

事緣編審李綺華噚日喺社交網晒出一張歐陽震華嘅相,仲留言:「歐陽波比大駕光臨 #愛回家之開心速遞#」相入面則見到歐陽震華喺海報上面簽名,聽聞呢張海報係有劇組人員貼喺辦公室,並叫有份參與《開心速遞》嘅人員喺上面簽名,如今歐陽震華入電視城並且喺海報上面簽名,莫非劇組真係邀請到歐陽震華客串?

歐陽震華客串《開心速遞》?群姐有望見到偶像?

歐陽震華喺《開心速遞》Poster簽名,唔通佢有份客串?(微博圖片)

唔少網民見到呢張相,表現得比群姐更激動,直言要集氣推到群姐可以見到偶像,睇嚟大家都好想幫群姐圓夢喎!

責編:林偉德

編輯:Hin

編輯推薦

【開心速遞】四位老戲骨Rap勁高質!網民力推「大四喜」唱主題曲

無綫處境劇《愛.回家之開心速遞》受歡迎嘅原因,皆因編劇經常諗到一啲天馬行空嘅劇情,正當你以為廢青安(周嘉洛飾)嘅「苦主大聯盟」同埋伊莎貝拉.群(許思敏飾)當眾展現白滑胴體已經夠晒癲後,噚晚播出嘅一...

2019-03-27 10:08

【龔水番外篇】曹總苦等水水 「熊若水」呂慧儀請食檸檬:清醒吓

無綫處境劇《愛.回家之開心速遞》噚晚嗰集講到熊若水(呂慧儀飾)同龔燁(張景淳飾)有情人終成眷屬,唔少網民日盼夜盼終於等到好結果,都紛紛話睇到喊晒。不過替佢哋開心之餘,部分網民就擔心一直苦戀「水水」...

2019-03-15 16:52

【開心速遞】熊若水主動示愛 龔水開花結果網民感動到喊

相信一直有追開處境劇《愛.回家之開心速遞》嘅觀眾,都戥熊若水(呂慧儀飾)同龔燁(張景淳飾)呢對「龔水CP」幾時可以開花結果感到着急,不過大家終於唔使再擔心「水水」嘅幸福啦,皆因佢主動向龔燁示愛,經歷...

2019-03-15 13:48

熱門評論

已複製連結