橙新聞

【開心速遞】四位老戲骨Rap勁高質!網民力推「大四喜」唱主題曲

文:Hin

無綫處境劇《愛.回家之開心速遞》受歡迎嘅原因,皆因編劇經常諗到一啲天馬行空嘅劇情,正當你以為廢青安(周嘉洛飾)嘅「苦主大聯盟」同埋伊莎貝拉.群(許思敏飾)當眾展現白滑胴體已經夠晒癲後,噚晚播出嘅一集更令人意想不到,75歲「熊樹根」劉丹、70歲「龍敢威」羅樂林、68歲「豹叔」黎彼得同63歲「譚道德」陳榮峻四位加埋超過270歲嘅老戲骨突然自己挑戰Rap!

【開心速遞】四位老戲骨Rap勁高質!網民力推「大四喜」唱主題曲

(左起)黎彼得、羅樂林、劉丹、陳榮峻挑戰Rap,勁有驚喜(網上圖片)

劇情講到根叔、龍敢威、豹叔同譚道德喺機緣巧合下組成Hip Hop組合「大四喜」,參加電視台搞嘅Hip Hop比賽,起初佢哋已經準備好自己嘅歌應戰,點知臨上台前被告知改咗比賽規則,要以「IG」做主題自由發揮,然而佢哋對IG冇乜了解,正當大家都以為佢哋會出醜之際,佢哋4個抱住自己經歷過不少風風雨雨、不怕死嘅精神,即場Rap畀大家睇,睇到一班評判、觀眾同埋熊家人拍晒手掌!

【開心速遞】四位老戲骨Rap勁高質!網民力推「大四喜」唱主題曲

佢哋Rap嗰陣啱Beat之餘連舉手投足都好有味道(網上圖片)

咪以為Rap只係年輕人嘅玩意,呢4位老戲骨Rap起上嚟唔輸一班後生仔,除咗衣着打扮好Hip Hop外,佢哋Rap嗰陣啱Beat之餘連舉手投足都好有味道,至於歌詞亦好抵死,而且配合埋香港人嘅獅子山精神,兼大讚我哋嘅廣東話文化,認真高質!

【開心速遞】四位老戲骨Rap勁高質!網民力推「大四喜」唱主題曲

網民好Buy呢隊「大四喜」(網上圖片)

大批網民聽完段Rap之後都紛紛畀「Like」,好佩服佢哋「活到老學到老」嘅精神,更話睇完有種莫名嘅感動,同時唔少人都直言畀呢首歌洗咗腦,希望推到佢哋出完整版,甚至做埋劇集嘅主題曲!

責編:林偉德

編輯:Hin

編輯推薦

【龔水番外篇】曹總苦等水水 「熊若水」呂慧儀請食檸檬:清醒吓

無綫處境劇《愛.回家之開心速遞》噚晚嗰集講到熊若水(呂慧儀飾)同龔燁(張景淳飾)有情人終成眷屬,唔少網民日盼夜盼終於等到好結果,都紛紛話睇到喊晒。不過替佢哋開心之餘,部分網民就擔心一直苦戀「水水」...

2019-03-15 16:52

【開心速遞】熊若水主動示愛 龔水開花結果網民感動到喊

相信一直有追開處境劇《愛.回家之開心速遞》嘅觀眾,都戥熊若水(呂慧儀飾)同龔燁(張景淳飾)呢對「龔水CP」幾時可以開花結果感到着急,不過大家終於唔使再擔心「水水」嘅幸福啦,皆因佢主動向龔燁示愛,經歷...

2019-03-15 13:48

【咀男人扮可愛】陳榮峻拍《開心速遞》突破多 今次仲要全裸演出

無綫處境劇《愛.回家之開心速遞》贏盡口碑收視,全靠腦洞大開嘅編劇以及一班演員嘅「犧牲」,為劇集帶嚟唔少笑料!其中現年63歲嘅資深演員陳榮峻,喺劇入面飾演一個遵從禮節,崇尚道德正義嘅角色「譚道德」,本...

2019-03-05 16:17

熱門評論

已複製連結