橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】邊個愛邊個多啲,重要咩?

文:港女友

有讀者向我抱怨男朋友唔夠愛自己,我叫佢試舉例及說明之,佢就話「我愛佢多過佢愛我囉,永遠都係我主動搵佢先,好多野都係我上心啲,我對佢好過佢對我㗎,段關係好似係我緊張多啲咁!」大家睇唔睇得出,呢位讀者每一句,每一個point都係計算緊,都係將兩個人做嘅事放上天秤稱一稱,然後覺得自己係付出更多嘅一個。

但愛呢樣野,從來都無對等,更加無得計算。

【港女講女】邊個愛邊個多啲,重要咩?

(資料圖片)

你覺得自己付出咗100%,你又點知對方唔係付出咗佢嘅100%呢?每個人愛嘅方式,對愛嘅睇法都唔一樣,喺你眼中可能係要日夜痴纏先叫做100%,但可能喺對方眼中佢得閒時候都會搵你,已經係佢能做到最大嘅愛啦。你無可能用你自己嘅天秤去量度對方嘅愛,因為你用自己嘅角度去計算永遠都係唔公平,你永遠都會覺得自己係付出得更加多。

何況,如果你真係愛一個人,邊個愛邊個多啲又係咪真係咁重要?

【港女講女】邊個愛邊個多啲,重要咩?

(資料圖片)

唔好相信嗰啲矛盾大對決問你:「你想做愛對方多啲定被對方愛多啲嘅一個?」當你真正愛上一個人,你根本話之佢愛你幾少,你都一樣想100%去愛對方。我無聽過有阿媽同個女講:「我愛你多過你愛我喎!你咁即係唔愛我」真正嘅愛係唔會計算自己嘅付出,更加唔會浪費心神去追求對方有同樣嘅付出。

因為我足夠愛你,所以我可以包容到你付出少一啲。因為我足夠愛你,所以只要你係同樣愛我,已經好足夠。邊個愛邊個多啲,重要咩?

責編:林偉德

編輯:Hin

編輯推薦

【港女講女】愛得太用力只會將對方逼得太緊

有啲人一拍拖就會「全程投入來愛你」,付出100%心機同時間去愛對方。但有時愛得太用力,往往會適得其反,愛得太用力會變成逼得太緊。

2019-03-22 13:42

【港女講女】唔好期待愛情會拯救你嘅人生

一個好嘅情人,一個愛你嘅人,佢哋嘅出現並唔係救世主式帶嚟奇蹟,你嘅生命同生活唔係一夜之間由零分變成一百分。呢種童話式嘅奇蹟,一個吻可以拯救生命嘅故事,都只係童話書入面出現。

2019-03-15 11:59

【港女講女】踏入三十歲的愛情,你不能不計算

數學再好,我哋都無辦法準確預計到未來嘅結果,千其唔好畀呢啲無法預計嘅未知之數,阻礙自己想愛嘅心。如果喜歡一個人,不如畀自己同對方多啲信心,好似年輕時嘅自己,勇敢地去愛與被愛。

2019-03-08 09:54

熱門評論

已複製連結