橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】愛得太用力只會將對方逼得太緊

文:港女友

有啲人一拍拖就會「全程投入來愛你」,付出100%心機同時間去愛對方。但有時愛得太用力,往往會適得其反,愛得太用力會變成逼得太緊。

呢種付出100%嘅戀人,會將對方睇得比自己更加重要,所有事情都以對方為先。同時因為將焦點放哂落對方身上,將對方放得太大太重,自己嘅情緒都會因為對方嘅一言一行而受影響。雖然把口話唔需要對方同自己一樣付出100%,但當對方冷待自己,或者覺得對方好似唔在乎時,就會覺得非常受傷,好傷心難過。

【港女講女】愛得太用力只會將對方逼得太緊

(視覺中國圖片)

有人話愛情關係就好似天秤,又有人話好似拔河,意思都係一樣,唔係話一定要50/50,但一定唔可以有一邊太重,唔係一段關係好容易被摧毀。其實都唔好話愛情,友情都一樣,當一邊過份用力,過份chur時,另一邊都會覺得非常辛苦。

當你愛得太用力時,你會將所有野都捉得好緊,放到好大,將對方嘅一言一行都擺上心,於是你會因此而受傷。當你一次又一次因為對方「唔夠在乎」而受傷時,對方其實會因此覺得非常之大壓力。呢啲行為根本就係一步一步逼緊對方埋牆角。

【港女講女】愛得太用力只會將對方逼得太緊

(視覺中國圖片)

Relax!

情況就好似拍拖兩日就問人「幾時結婚?」一樣,唔係下下都要愛得轟轟烈烈死去活來㗎。一段可以維持得耐嘅關係,最緊要就係雙方都過得輕鬆自在,無人會鍾意喺高壓嘅關係入面。何況,你捉咁緊做咩啫?你嘅世界只係得愛情咩?留番啲愛畀自己啦好嗎?

責編:林偉德

編輯:Hin

編輯推薦

【港女講女】唔好期待愛情會拯救你嘅人生

一個好嘅情人,一個愛你嘅人,佢哋嘅出現並唔係救世主式帶嚟奇蹟,你嘅生命同生活唔係一夜之間由零分變成一百分。呢種童話式嘅奇蹟,一個吻可以拯救生命嘅故事,都只係童話書入面出現。

2019-03-15 11:59

【港女講女】踏入三十歲的愛情,你不能不計算

數學再好,我哋都無辦法準確預計到未來嘅結果,千其唔好畀呢啲無法預計嘅未知之數,阻礙自己想愛嘅心。如果喜歡一個人,不如畀自己同對方多啲信心,好似年輕時嘅自己,勇敢地去愛與被愛。

2019-03-08 09:54

【港女講女】好勝不會讓你贏得愛情

要出盡全力去鬧一場交唔難,要喺兩個人都好激動嘅情況下學識冷靜,然後為對方讓步,先係最難學嘅事。

2019-03-01 09:12

熱門評論

已複製連結