橙新聞

【開心速遞】熊若水主動示愛 龔水開花結果網民感動到喊

文:Hin

相信一直有追開處境劇《愛.回家之開心速遞》嘅觀眾,都戥熊若水(呂慧儀飾)同龔燁(張景淳飾)呢對「龔水CP」幾時可以開花結果感到着急,不過大家終於唔使再擔心「水水」嘅幸福啦,皆因佢主動向龔燁示愛,經歷咗一年零三個月後正式喺埋一齊!

【開心速遞】熊若水主動示愛 龔水開花結果網民感動到喊

等咗一年零三個月,龔水終於一齊啦(網上圖片)

噚晚嗰集講到,龔燁一直唔可以將熊若水擺喺第一位,所以寧願安於現狀,同對方維持一個曖昧嘅關係,不過多得龔燁個老竇龔友(蔡國慶飾)助「龔」,將龔燁整嘅「Mary I Love You」曲奇畀熊若水,再話畀熊若水聽其實龔燁好鍾意佢,只係怕唔可以將佢放喺心目中嘅第一位先唔敢追佢。

【開心速遞】熊若水主動示愛 龔水開花結果網民感動到喊

龔燁個老竇助「龔」(影片截圖)

【開心速遞】熊若水主動示愛 龔水開花結果網民感動到喊

仲同熊若水講其實龔燁好鍾意佢(影片截圖)

得知龔燁心意嘅熊若水成晚瞓唔着,淨係喺到諗返同龔燁嘅過往,最後決定主動爭取自己嘅幸福,約咗龔燁見面,仲直接拎嗰塊曲奇畀對方睇,兼直言自己知道對方仲鍾意自己。

【開心速遞】熊若水主動示愛 龔水開花結果網民感動到喊

熊若水決定主動向龔燁表白(網上圖片)

不過當初熊若水曾經拒絕過龔燁,仲話自己唔會鍾意佢呢啲賤精先生,搞到龔燁都不禁問係咪想氹佢講真話再拒絕佢,點知熊若水卻話:「但係同你經歷咗咁多嘢之後,我覺得我可以畀個機會你。」而喺熊若水表完白後,龔燁突然靜咗落嚟,搞到熊若水擔心對方係咪想拒絕自己,幸好當佢轉頭一刻,龔燁已經衝上前咀佢,最後二人仲嚟個甜笑對望,Sweet到漏啊!

【開心速遞】熊若水主動示愛 龔水開花結果網民感動到喊

龔水終於修成正果啦(網上圖片)

龔水CP終於能夠開花結果,成功引嚟網上暴動,大批網民都直言等咗一年幾,一直戥佢哋緊張同擔心,好彩最後可以喺埋一齊,仲話邊睇邊睇到喊添,睇嚟大家真係睇到好投入。至於張景淳亦有喺社交網發文:「歷時一年零三個月,龔燁熊若水,正式成CP了。龔水黨、開心速遞黨仔們久等了。Phase3現在正式開始。希望大家繼續支持,更多意想不到的精彩故事,現在才開始!」唔少網民都好期待之後二人點樣曬恩愛!

【開心速遞】熊若水主動示愛 龔水開花結果網民感動到喊

張景淳都有喺Instagram發文

責編:林偉德

編輯:Hin

編輯推薦

【咀男人扮可愛】陳榮峻拍《開心速遞》突破多 今次仲要全裸演出

無綫處境劇《愛.回家之開心速遞》贏盡口碑收視,全靠腦洞大開嘅編劇以及一班演員嘅「犧牲」,為劇集帶嚟唔少笑料!其中現年63歲嘅資深演員陳榮峻,喺劇入面飾演一個遵從禮節,崇尚道德正義嘅角色「譚道德」,本...

2019-03-05 16:17

【開心速遞】呷醋勁HEHE!「安仔」周嘉洛演港女入型入格

無綫處境劇《愛.回家之開心速遞》自從前排有George(張明偉飾)同池子孝(阮政峰飾)誤打誤撞「出櫃」,成為劇集第一對公開嘅男男CP後,唔少網民都希望朱凌凌(吳偉豪飾)同金城安(周嘉洛飾)呢一對可以「修成...

2019-02-28 11:51

【開心速遞】熊樹根當眾同高小姐示愛?網民:咁妹豬點算?

無綫處境劇《愛.回家之開心速遞》之所以受歡迎,除咗一班演員所擦出嘅火花吸引外,有時候一啲「黐晒線」嘅劇情都睇到觀眾笑到癲,而喺今晚(19號)播出嘅一集「樹根喜迎春」,似乎講到劉丹飾演嘅熊樹根有第二春!

2019-02-19 10:27

熱門評論

已複製連結