橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】唔好期待愛情會拯救你嘅人生

文:港女友

身邊有啲朋友,唔知係咪細個睇得童話故事太多,定係青春期時睇太多愛情偶像劇,佢哋對真愛總係有個好天真嘅幻想,總係覺得有個人會帶住光環出現,然後本來混亂嘅生活、搵唔到意義嘅生命,都會因為真愛嘅出現而變得美好。

【港女講女】唔好期待愛情會拯救你嘅人生

(資料圖片)

不過殘忍嘅現實係:愛情或者係任何人都唔會拯救到你嘅人生。

一個好嘅情人,一個愛你嘅人,佢哋嘅出現並唔係救世主式帶嚟奇蹟,你嘅生命同生活唔係一夜之間由零分變成一百分。呢種童話式嘅奇蹟,一個吻可以拯救生命嘅故事,都只係童話書入面出現。不過,佢哋係一個幫助你嘅人,喺你黑暗嘅世界入面幫你打開道門,但行唔行到出去,都係要靠你自己嘅努力。

【港女講女】唔好期待愛情會拯救你嘅人生

(資料圖片)

愛情對人類嘅「拯救」就係令你進步,令你搵到動力去改變,令你想成為一個更好嘅人。一段好嘅關係就係有能力令你不再甘於活喺混亂同黑暗之中。但記住,真正拯救緊你嘅,其實係你自己。如果你一直死蛇爛鱔,一直怨天尤人,一直唔肯改變,咁再好嘅愛人,再真嘅愛情出現喺你身上都係徒然。愛情只係你嘅助力,愛人只係為你提供動力,真正行動嘅係你自己。

呢個世界,即使你老公老婆都無責任同義務去拯救你嘅人生。期待白馬王子一吻救醒你,不如今晚早啲瞓,自己較定多幾個鬧鐘。

責編:林偉德

編輯:Hin

編輯推薦

【港女講女】踏入三十歲的愛情,你不能不計算

數學再好,我哋都無辦法準確預計到未來嘅結果,千其唔好畀呢啲無法預計嘅未知之數,阻礙自己想愛嘅心。如果喜歡一個人,不如畀自己同對方多啲信心,好似年輕時嘅自己,勇敢地去愛與被愛。

2019-03-08 09:54

【港女講女】好勝不會讓你贏得愛情

要出盡全力去鬧一場交唔難,要喺兩個人都好激動嘅情況下學識冷靜,然後為對方讓步,先係最難學嘅事。

2019-03-01 09:12

【港女講女】騎牛搵馬只係耽誤別人又耽誤自己

有一種人無辦法承受單身嘅孤寂,佢哋相信兩個人嘅孤單總比一個嘅孤單好,所以佢哋可以容忍同一個唔適合嘅人繼續拖拉,而另一方面仲奢望住白馬王子會騎住白馬前來救自己出水深火海。

2019-02-22 12:36

熱門評論

已複製連結