橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】唔愛你時,你呼吸都係一種錯

文:港女友

當一個人愛你嘅時候,你做咩都可以被原諒被體諒,你嘅古怪會被睇成特別,你嘅失態會被睇成可愛。因為被愛,所以連你嘅缺點都一齊被愛着。但當一個人唔再愛你嘅時候,佢對你嘅耐性就會失去,你嘅缺失無人再去體諒,你嘅缺點唔再被愛,於是你呼吸都係一種錯,你做嘅一切都係種困擾。

【港女講女】唔愛你時,你呼吸都係一種錯

(視覺中國圖片)

有個故事係咁嘅,男仔當年出盡力追個女仔,女仔脾氣好差,好容易無理取鬧,男仔會覺得呢個先係真正嘅佢,仲話過好希望女仔可以喺佢面前做真正嘅自己。幾年後,男仔忽然變得好挑剔,成日鬧個女仔脾氣差,慢慢仲開始嫌棄其他野,例如話個女仔無身材,令佢無咩性慾。又例如話個女仔成日搵佢,令佢好覺得困身。個女仔由被寵愛嘅小花貓,變成被厭惡嘅流浪貓。而呢一切改變嘅原因,係因為個男仔變咗心,鍾意咗另一個女仔。

當一個人忽然對你失去耐性,忽然對你雞蛋裡挑骨頭,都係空穴來風,未必無因。而最大嘅原因,可能就係佢已經唔再愛你。失去愛嘅一刻起,耐性同包容都係隨住愛情而慢慢失去。

【港女講女】唔愛你時,你呼吸都係一種錯

(視覺中國圖片)

另外想勸導大家,唔好過分相信一個唔愛你嘅人講嘅說話。佢對你嘅指控同批評,唔一定係事實嘅全部。千其唔好因為對方嘅攻擊,令你懷疑自己,令你都否定自己。就算佢話你平胸係事實,你都無必要因此而自卑。

責編:林偉德

編輯:Hin

編輯推薦

【港女講女】你放棄愛情,愛情自然放棄你

你當日為咗金錢同條件而放棄愛情,愛情自然都離你九丈遠。你用咩材料去栽種你嘅婚姻,日後你自然會收番咩嘅果。

2019-02-01 10:04

【港女講女】沒有了信任,我們什麼都沒有

維繫一段感情唔係靠毫無保留嘅揭秘,而係靠信任。如果兩個人之間無咗信任,要靠check電話、24小時報備、check定位去獲得安全感,請你說服我,呢段感情有咩繼續落去嘅必要?

2019-01-25 10:23

【港女講女】女人胸部漲滿,不如腦袋飽滿

好多女人成世人都忙住點樣豐胸,點樣可以對眼大 2cm,蘋果肌點樣可以飽滿啲,用盡一生精力都係諗住點樣美化外在,完全忘記自己空空嘅腦袋,乏味嘅內在。

2019-01-18 14:18

熱門評論

已複製連結