橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】無人有責任會包容你一世

文:港女友

好多男人以為愛一個女人就係等如無限嘅遷就同寵愛;又有好多女人認為被愛就係有個男人當自己公主一樣,捧喺手心,給予無限嘅關懷同愛護。於是「持寵生嬌」同「縱壞」呢兩個詞語就搵到佢哋嘅意義,慢慢育成一班自以為係公主嘅港女。

有個女仔同男朋友拍拖四年,男朋友由追佢嗰日已經服務殷勤,笑容滿分,無論個女仔幾無理取鬧,佢都會一一包容。於是四年來,個女仔都無真正尊重過個男仔,因為佢以為呢個男仔永遠都會寵愛佢,包容佢,遷就佢。直到四年後今日,個男仔終於醒覺,覺得自己唔想再忍受呢種卑微嘅生活,佢決定分手⋯⋯四年以嚟,呢個男仔第一次反擊,而且係最致命一擊。個女仔仲問個男仔,點解你變成咁?點解你變咗另一個人?

【港女講女】無人有責任會包容你一世

(視覺中國圖片)

事到如今,個女仔好似仲唔知道個問題其實係出自自己身上,而唔係個男仔身上。

香港真係有好多女仔被啲男人縱壞,例如出街唔使畀錢、有人幫自己拎袋、發脾氣有人原諒、做錯野都仲可以嬲番個男人轉頭等等。而大部分男人都唔會正面指出一個女人嘅唔合理,於是呢啲女仔永遠都唔知道自己有問題,成世人都以為所有野係老馮,係理所當然。

【港女講女】無人有責任會包容你一世

(資料圖片)

呢個世界無人會包容你一世,每個人都有自己嘅底線,當你不知悔改不停去挑戰一個人嘅底線時,嗰個人好有可能會反咬你一啖,令呢段感情直墜懸崖。

請認清一個事實,你唔係公主,對方都唔係奴才。愛情唔係搵個工人服侍你一世,你要「聽話」同「忠心」,你不如去養隻狗,攬住隻狗過人世好過。

責編:林偉德

編輯:Hin

編輯推薦

【港女講女】原來隨便放手可毀了人一世

一個人最混蛋莫過於如此,辜負完感情,仲要遺害他人。

2019-01-04 14:33

【港女講女】囝囡不是解決婚姻問題的工具

「生仔」唔係結婚嘅唯一目的,更加唔係幫你建立美滿家庭嘅方法,拜託唔好再用「生仔」去綁住一個男人,唔好將留住老公個心嘅責任,轉嫁畀一條無辜嘅小生命。

2018-12-28 09:13

【港女講女】愛情面前,都要有自知之明

愛情都真係需要門當戶對,竹門對竹門,但意思唔係家勢同財力,而係條件上嘅匹配。

2018-12-21 09:56

熱門評論

已複製連結