橙新聞

【全民造星】193直踩無綫挑機!肥仔組另類男團撼MIRROR?

文:Hin

ViuTV選秀節目《Good Night Show 全民造星》已經完結一段時間,當中所誕生的12人男團MIRROR亦在日前正式出道,更將於下月21日舉行首個演唱會,發展相當順利!不過比賽中排名第四的肥仔(梁業)卻沒有入選MIRROR,當時監製花姐回應傳媒時表示公司已對肥仔有另外的計劃,直到日前開始ViuTV在其官方專頁上載名為《肥仔大冒險》的影片,似乎是藉此公布肥仔的出道計劃。

【全民造星】193直踩無綫挑機!肥仔組另類男團撼MIRROR?

肥仔無緣喺MIRROR出道,但獲ViuTV作「特別安排」(影片截圖)

從第一集見到花姐向肥仔表示已為他作「特別安排」,之後肥仔更開始從一班「造星仔仔」中揀成員組另類偶像男團出道,並於第二集公布第二名男團成員為阿Dee(何啟華)。當網民得知成員包括阿Dee後,紛紛表示希望新成員有193(郭嘉駿)、大姨媽(陳君浩)等人,組成至強搞笑跳舞男團。

【全民造星】193直踩無綫挑機!肥仔組另類男團撼MIRROR?

當公布男團第二位成員係阿Dee(左)後,網民已經拍晒掌叫好(影片截圖)

到了昨日網民的願望終於成真,新發布的第四集講到肥仔和阿Dee打算邀請193加入男團,而此時的193着住全民造星Tee配粉紅外套直踩無綫,並請無綫的保安讓他進入,而193更發揮自己一貫無厘頭的本色,不停「騷擾」保安及路人說:「我明星嚟㗎!」、「我似唔似明星啊?、「你睇吓我個頭,我真係韓星嚟㗎!」、「我等緊開工啊,因為我歌手嚟㗎本身,要入去唱歌但佢依家唔畀我入去。」193甚至向保安及路人施展渾身解數,唱歌跳舞Rap樣樣做齊,騎呢得嚟相當搞笑!

【全民造星】193直踩無綫挑機!肥仔組另類男團撼MIRROR?

193大鬧無綫門口,仲不停「騷擾」保安同路人(影片截圖)

【全民造星】193直踩無綫挑機!肥仔組另類男團撼MIRROR?

佢又喺人哋門口唱歌跳舞加Rap,嚇死保安叔叔啦(影片截圖)

後來肥仔及阿Dee捉走193後,直接跟193說:「你幾廿歲人咪X咁黐線啦!」豈料193竟直言:「我真係偶像嚟㗎!我又高大又靚仔,唱歌又好聽,問心啊,你知我跳舞點㗎!」無眼睇的肥仔則同阿Dee表示組合還差一個「黐線擔當」,最後邀請193做第三名成員,193還搞笑表示:「好!咁我做住隊長先喇喎!」令二人十分無奈。

【全民造星】193直踩無綫挑機!肥仔組另類男團撼MIRROR?

最後肥仔覺得組合爭個「黐線擔當」,所以邀193加入男團(影片截圖)

193的加入惹來不少網民的好評,直言被193的表現笑死:「喺痴線嘅呢方面193真係接近完美」、「接近完美193」、「193好癲呀,笑死」、「做得好自然,係一個完美嘅癲喪偶像派」網民對新男團的三位成員非常滿意,認為每位成員都有自己的特色,比MIRROR更有睇頭,甚至為新男團改名為「ERROR」,力撐他們揮低MIRROR!另外,影片中特意將無綫的大樓打格仔,網民忍不住笑言:「我做咗咁耐人,都係第一次見成座building打格仔咋!好鬼正呀!」

【全民造星】193直踩無綫挑機!肥仔組另類男團撼MIRROR?

將成棟建築物打格係咩玩法?(影片截圖)

【全民造星】193直踩無綫挑機!肥仔組另類男團撼MIRROR?

網民期待肥仔呢隊男團對撼MIRROR(Facebook圖片)

責編:玥展

編輯:Hin

編輯推薦

【新人唔計較】MIRROR酬勞12個人分 姜濤:機會緊要過錢

ViuTV選秀節目《Good Night Show 全民造星》所誕生的12人男團MIRROR,其中4位成員江熚生(Anson Kong)、楊樂文(Lokman)、姜濤(Show)、陳卓賢(Ian)昨日在銅鑼灣出席品牌活動,吸引過百粉絲在場圍觀,有粉絲...

2018-11-12 15:43

《全民造星》MIRROR Logo抄BTS?粉絲不滿宣傳照姜濤唔係C位

ViuTV選秀節目《Good Night Show 全民造星》早前圓滿落幕後,ViuTV決定為仔仔們組成12人大型男團MIRROR,成員包括隊長楊樂文(Lokman)、姜濤(Show)、陳卓賢(Ian)、江熚生(Anson Kong)、呂爵安(Edan)、李...

2018-11-05 11:59

被姜濤魅力迷倒 周慧敏激讚:香港很久沒有見到有這種光芒的star

ViuTV選秀節目《Good Night Show全民造星》總決賽昨晚(14號)舉行,最終由大熱的姜濤奪冠。雖然姜濤年僅輕輕,但走萌系路線的他成功俘虜不同年紀層的女粉絲,就連擔任總決賽評判的「女神」周慧敏(Vivian)也對...

2018-10-15 12:18

熱門評論

已複製連結