橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】呢個世界無人奉旨幫你畀錢埋單

文:港女友
  
最近一班朋友傾起,討論到曖昧或拍拖時食飯埋單嘅問題。我哋發現人愈大,就愈覺得男女朋友之間嘅「強弱」界線好無謂。以前中學時期嘅男仔,因為想扮大人,想顯示自己成熟,所以就好用力去飾演一個大男人,為女朋友上刀山落油鑊,出街唔使女人畀錢,心甘情願去成為女朋友嘅銀包。
   
但人大咗,無咗呢種幼稚嘅逞強心態,內心無咗盲目地堅信雄性同雌性天生嘅角色同責任,反而渴望一段「公平啲」嘅關係。
    
【港女講女】呢個世界無人奉旨幫你畀錢埋單

(圖:視覺中國)

有個男性朋友提起同女朋友出街時,女朋友從來無埋過單,所有支出都係男仔畀哂,而女仔都好似無覺得有問題,或者覺得尷尬內疚唔好意思。呢件事嘅重點從來都唔係金錢數目上,而係喺女仔嘅態度上。
      
一個男人佢有無能力付出拍拖嘅一切費用,同佢有無責任去咁做,完全係兩回事。個男仔搵兩萬好,五萬好,十萬都好,佢有能力,但唔代表佢有責任有義務去畀哂所有錢。你只係一個女朋友,又唔係佢老婆佢阿媽佢個囡,咁快已經揸盡人哋啲錢?
   
而最重要一樣野係,人哋可能好樂意畀,但作為一個擁有基本社交禮儀嘅成年人,至少你都要有番啲禮貌,人哋送舊金畀你,你都送番舊柑畀人吖!人哋請你食完Fine Dinning,你請人食碗糖水,飲杯珍珠奶茶都得啩。
  
【港女講女】呢個世界無人奉旨幫你畀錢埋單

(圖:視覺中國)

都係嗰句,重點從來都唔係金錢數目,唔係下下埋單都要拎個計數機除番二,而係你嘅態度唔可以係老奉去接受人哋嘅付出,起碼自己都要付出少少,畀對方知道你唔係一個淨係大安旨意接收人哋付出嘅港女。
  
何況,呢個世界從來無人奉旨幫你埋單畀錢,自己有手有腳,何必要靠人?
  
責編:李玥展

編輯:Stacy

編輯推薦

【港女講女】 「結婚唔使錢」講緊係婚禮,唔係婚姻

我同身邊朋友作為90後頭嘅年輕人,都已經唔再年輕,接近三十歲,開始踏入社會幫我哋標籤好嘅「成家立室」年齡。以前覺得廿七廿八歲搵到個愛嘅人就可以結婚,但真係去到呢個年齡先知道,喺香港講結婚真係好奢侈。

2018-09-26 13:36

【港女講女】你要做賤男磁石,怪得邊個?

呢種女仔有種特色係來者不拒。意思唔一定係佢隨便或者濫交,而係佢唔識得拒絕人,又會覺得四海之內皆兄弟,識個朋友何妨?

2018-09-13 17:36

【港女講女】傷害你的是錯的人,不是愛情

被狠狠傷害過之後,都不禁會懷疑「愛情」究竟係咩?呢個世界真係有所謂嘅「真愛」?曾經以為對方係自己嘅真愛,到最後咪一樣遍體鱗傷⋯⋯

2018-09-21 18:01

熱門評論

已複製連結