橙新聞

莎比亞

網絡作家

【莎比亞】男人WhatsApp傾啲乜?

【莎比亞】男人WhatsApp傾啲乜?
文:莎比亞
   
有啲話題,就算幾好老友都唔會真人傾起。
   
但隔住部手機,就可以暢所欲言,鍾意開乜話題都得。
   
其中一個老是常出現嘅話題,就係通常有人分享完啲「J圖」,就會有人慨嘆:「唉,人生食咁少女真係可惜⋯⋯」
      
然後就會有另一個人提出問題:「你哋寧願做食女王,定好似依家咁安安份份,做個專一女友奴?」
    
個Group會沉寂一陣,然後結咗婚嘅會首當其衝:「我最愛我老婆!」
     
然後其他人會爭相和議:「女朋友係最好嘅!」、「I love my BB」、「有女友已經好夠了!」
     
當然,我都係上以一份子⋯⋯
     
大家除咗驚女朋友睇到Group啲Message所以要戴番個頭盔之外,其實都係真心話(非打手)。
    
有好多女朋友/老婆都覺得,男人愛新鮮,有新女、有正女,一定把持不住。
    
但要搞清楚,「昅吓女」同真係出軌係兩回事。
    
昅女,相信9成男人都會忍唔住,但去到會影響感情嘅出軌,並唔係一件易事。
    
當然有人會偷食,男女都會,但都有人寧願唔偷食。
    
都話咯,就算依家三上悠亞突然赤裸裸出現喺我張床上面,而成間屋又得我同佢,我都會好禮貌咁同佢講:「Su Me Ma Sen,著番件衫先唔係冷親呀,門口喺嗰邊desuka~」
    
WhatsApp Group嘅男人,全部都已經就嚟踏入三十歲,求咗婚,結咗婚,準備求婚⋯⋯人生每日就係為工作拼搏,唔好講出軌吖,放工返到屋企真係打J都冇力,有力有時間都用嚟打機。
   
而更重要,大家都追求一種安穩嘅生活,只係想無風無雨咁過簡單嘅生活。
   
所謂食女,大家都係Up下,已經唔係屬於我嘅年紀,甚至唔係屬於我嘅宇宙。
  
原來,男人老咗,聽到某某食女嘅故事,就好似聽緊鬼故咁,覺得好靈異。
    
心諗,係咪真㗎⋯⋯?
   
不過算啦,關我乜事!
   
然後,繼續工作。
  
責編:李玥展

編輯:Stacy

編輯推薦

【莎比亞】男人自卑時,想女友怎樣做

錢不是結婚的首要考慮,但長遠的生活,我需要確保女朋友的生活安穩,每每想起這一點,就會有一陣莫名的自卑感。

2018-08-08 10:19

【莎比亞】因小事吵架最傷感情

你們是一輩子的情人,愛是唯一走下去的動力,而不是吵架與傷害。

2018-05-21 12:58

【莎比亚】別讓女朋友失去希望

我們可以向騙子學習,不是說騙財騙色遠走高飛,而是溫柔地去了解女朋友們想要甚麼,對將來有甚麼打算,近來有甚麼心事,然後,很重要,向她承諾會陪著她面對任何事,你總會在她身旁。

2018-05-14 15:56

熱門評論

已複製連結