橙新聞

【學警升職】13年後再拍港劇 薛凱琪拍打戲唔錫身喪打傷手

文:Hin

警匪網劇《蝕日風暴》將於今個月22日在Viu煲劇平台正式首播,新劇雲集多位好戲之人,除了港、台兩大型男張智霖(Chilam)及王陽明外,還有薛凱琪(Fiona)及梁靖琪(Toby)等主演,其中Fiona更是繼《學警雄心》後相隔13年再拍港劇!

今次Fiona由學警「升職」,飾演重案組高級督察,她表示:「好親切,第一次演戲就喺《學警雄心》扮學警,多年之後再做番位正義嘅警察。女警好有型,對我嚟講係一件好Superhero嘅事,雖然時間天氣等因素,仲有劇本內容令到體力有啲透支,但係都好開心嘅!」Fiona在劇中為追捕罪犯打戲連場,她坦言這算是現代片打得最多的一次,毫不錫身的她坦言拍攝頭兩日已打到手指受傷:「指骨有啲移位,之後睇咗一段時間骨醫,西式、消炎、刮痧都有做,但係無乜嘢,我唔係好怕呢啲傷。」

【學警升職】13年後再拍港劇 薛凱琪拍打戲唔錫身喪打傷手

Fiona喺劇中打戲連場,佢拍咗頭兩日已經整傷手指

其中一幕講到Fiona與Toby在警局內對打,兩女打到拳拳到肉,難怪Toby指拍完該場戲後要借藥油給對方「療傷」,Toby還自言為劇集事前做足準備功夫:「之前拍嘅作品都係打戲,所以一直都有練開,不過為咗呢套劇,都特訓咗一段時間。」

【學警升職】13年後再拍港劇 薛凱琪拍打戲唔錫身喪打傷手

有場戲講Fiona同Toby喺警局內對打,佢哋仲毫不錫身打到拳拳到肉

Fiona則笑言劇中的跑戲比打戲還要多,直言為追捕Chilam由香港跑到馬來西亞再跑到布達佩斯:「戲中同Chilam有感情線,當中有啲誤會,所以我變得好憎佢,更加追捕佢到天涯海角,喺香港、馬來西亞同布達佩斯不停穿梭,仲要全程用腳去跑。」她還笑指劇集讓她變成職業跑手:「明明車快啲,但無安排車追,不過跑可能現場效果會好啲,所以追逐戲比打戲攰好多,其實戲內我係一個跑手。」

【學警升職】13年後再拍港劇 薛凱琪拍打戲唔錫身喪打傷手

Fiona笑言呢套劇令佢變做職業跑手

至於Toby就自爆於娃娃兵村拍攝期間發生的瘀事:「娃娃兵村係冇廁所,劇組就租出流動廁所畀我用,記得當日落大雨,我去廁所嗰陣唔小心跣低。」她笑言幸好沒有掉進馬桶內,否則變「周身屎」:「我係跣低落啲泥度,冇跌落馬桶,好彩司機哥哥、化妝師都衝出嚟救我,真係好感動。」

【學警升職】13年後再拍港劇 薛凱琪拍打戲唔錫身喪打傷手

Toby自爆去流動廁所跣低,好彩冇跌落馬桶

責編:玥展

編輯:Hin

編輯推薦

【蝕日風暴】港台男神集合!張智霖王陽明兄弟變敵人

由名牌監製梁家樹班底打造的網劇《蝕日風暴》,將於今年8月在OTT視象平台Viu正式上架,新劇找來港台男神張智霖及王陽明孭飛,並與薛凱琪及梁靖琪共同主演,另外還有秦沛、許紹雄、羅家英、林嘉華、梁漢文等紅星坐...

2018-07-17 16:48

千萬名車全部消失 網傳范冰冰「吸金內幕」

內地女星范冰冰自捲入逃稅風波後已「失蹤」近三個月,並且出現了不少傳聞,近日有內地傳媒報道指發現范冰冰的豪宅樓下僅剩下平常用作代步的保母車,其他名車包括傳聞中李晨求婚時送贈的千萬跑車都全部消失,因而...

2018-09-13 15:02

唔止雪藏咁簡單!泫雅E’Dawn認戀遭事務所解約

韓國性感女歌手泫雅上月初爆出與同門師弟團PENTAGON成員E’Dawn拍拖,雖然二人所屬事務所CUBE娛樂否認戀情,但泫雅卻向傳媒公開戀情,其做法疑令公司大為憤怒,E’Dawn更被公司宣布暫停演藝工作,而泫雅亦被取消...

2018-09-13 11:50

熱門評論

已複製連結