橙新聞

【專訪】機緣巧合下重新追夢 SKY重組紀念自己的青春

文:Hin
拍攝:Jacky、Leo

剪接:Jacky

15年的時間是什麼概念?是一個可以將剛成年的年輕人長大成3字頭的時間;一個從年輕時滿懷夢想到最後認清現實,不得不放棄的過程。由5位大男孩Yani(現改名為Moses)、Kin、Bong、Bonald、Gilbert組成的組合SKY,起初懷着向大眾分享音樂的歌手夢勇闖樂壇,可惜夢想只得兩年就破滅,成員間不得不面對現實回歸平凡,直至10多年後一次成員的婚禮,他們再度演唱自己的出道歌,重拾昔日回憶的同時,亦讓他們重燃被現實活埋的夢想。

【專訪】機緣巧合下重新追夢 SKY重組紀念自己的青春

由5位大男孩組成嘅SKY喺2003年出道,可惜出完第二隻專輯就解散(粉絲提供照片)

機緣巧合下重組

今次SKY之所以能夠重組,幕後功臣可謂他們的經理人,皆因五子在Bonald的婚禮上合唱《口袋情人》後獲得不少迴響,經理人因而提議他們重組,當中Kin坦言得悉一刻以為講笑:「覺得件事好突然,我即刻喺個Group到問大家,因為其實我心入面係覺得興奮,所以好快覺得係一件好事就答應咗,跟住佢哋都好快就應承。」

【專訪】機緣巧合下重新追夢 SKY重組紀念自己的青春

四位兄弟喺Bonald(中)嘅婚禮上獻唱出道歌《口袋情人》,意外成為重組嘅契機(Instagram圖片)

Bonald則表示經過這些年大家經歷多了亦成熟了,私下聊天時也會提到如果有機會再來一次會是怎樣,不過他坦言沒想過在婚禮唱歌會引發重組的機會:「當初好簡單,就係唱我哋第一隻歌《口袋情人》,其實對我哋嚟講好有意義,同埋話畀太太聽我係同佢哋幾個一齊成長,佢哋都係我嘅青春。」

【專訪】機緣巧合下重新追夢 SKY重組紀念自己的青春

Bonald選擇喺婚禮唱《口袋情人》,全因想話畀太太聽呢幾位兄弟係佢嘅青春

可惜今次重組欠缺隊長Gilbert,但四子表示對方仍相當支持他們重組:「其實Gilbert好支持我哋,不過佢就專心想做返游水教練,同埋想多啲時間陪屋企人。」

歌手夢短時間幻滅

作為歌手總希望能夠大紅大紫,然而SKY出道兩年,僅出過兩隻專輯便解散,剛燃燒的夢想眨眼間就被淋熄,失落自然在所難免,其中Bong更坦言那種失落要靠時間復原:「其實我喺SKY之後有差唔多一年冇做過嘢,冇喺台上面表演,嗰段時間係我適應嘅時間,跟住覺得唔得喇,真係要喺返台上跳舞喇,係一個勇氣嚟,攞個勇氣出嚟先至踏出嗰一步,而嗰個心理關口係自己。」

【專訪】機緣巧合下重新追夢 SKY重組紀念自己的青春

曾經係舞蹈員嘅Bong坦言組合解散後有差唔多一年冇喺舞台上跳舞

相對於仍在舞台的Bong,轉行做地產的Moses卻是完全脫離娛樂圈,儘使面對現實賺錢養家,但其歌手夢一直埋藏心中:「拆咗嘅時候係真係會有一種失落,即係覺得『咦,兩年都好快,咁就完咗喇』,但係會有種諗法係因為覺得以前唔係咁成熟,畢竟我哋好年青後生,我會諗返係如果將來有機會大家成熟嘅時候可以再做一次,會諗個感覺同埋會點做。」他還坦言:「其實心中一直都有依一個夢,繼續希望可以再圓呢個夢。」

【專訪】機緣巧合下重新追夢 SKY重組紀念自己的青春

就算當年拆咗夥,但Moses坦言希望可以再圓呢個夢

紀念我們的青春

有時候越想發生的越難發生,相反不怎麼期待卻有望願望成真,無心插柳而達成的重組計劃,對他們來說是個機會延續未完成的夢,紀念他們的青春,Bonald坦言:「今次對我哋嚟講嘅意義一來係我哋15周年,其實係一個好好嘅紀念嚟,咁大家都係大家嘅青春,同埋我哋咁辛苦都可以重聚到出嚟嘅時候,我相信有好多朋友都可以。」Kin表示私下有討論過為何要去做這件事:「其實都係好想有一個機會去感恩,多謝返以前幫過我哋嘅人、支持過我哋嘅歌迷,當然私心嘅亦都係我哋自己上一次喺Bonald婚禮度唱嗰首《口袋情人》,嗰個開心好想再延續落去。」至於Bong則認為:「我哋都有同一個想法先至會去咁樣做呢件事,我只係覺得SKY以前畀到一個好好嘅回憶我依家,都想趁呢個機會可以為我嘅將來做返一個好好嘅紀念。」

【專訪】機緣巧合下重新追夢 SKY重組紀念自己的青春

Kin希望藉住今次機會去感恩

一次的機緣巧合令SKY四子重新發夢,拿回曾經失去的熱情再次追夢。15年的時間,其實也是認清自己夢想,讓自己年輕多次的機會。

【專訪】機緣巧合下重新追夢 SKY重組紀念自己的青春

責編:玥展

編輯:Hin

編輯推薦

【90後回憶】差一個齊人!SKY 15周年重組出新歌

今年成軍15周年的Boy'z早前宣布即將舉行首次售票演唱會,令不少80、90後的粉絲都期望其他同期的組合能夠重組,今日(27號)終於輪到同樣出道15周年的SKY合體推出新歌!

2018-07-27 16:27

Boy’z宣布即將開騷 那些年嘅組合能否見到重組之日?

由關智斌(Kenny)及張致恆(Steven)組成的組合Boy’z,乃2000年代當紅的組合之一,憑住俊朗的外貌以及《死性不改》、《跟蹤你》、《眼紅館》等作品吸納不少女性粉絲,雖然中間經歷過Kenny離隊單飛、加入新成員...

2018-06-22 08:57

熱門評論

已複製連結