橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】你要做賤男磁石,怪得邊個?

文:港女友
      
身邊總係有啲女仔遇親都係爛桃花,圍住佢轉嘅男人一個比一個差,仿佛邱比特一直喺度整蠱佢,一次又一次將有毒嘅箭射落佢身上。不過可憐人自有可恨之處,將自己變成賤男磁石唔係你天生磁場出錯,而根本係你一手造成。
     
【港女講女】你要做賤男磁石,怪得邊個?

(視覺中國)

呢種女仔有種特色係來者不拒。意思唔一定係佢隨便或者濫交,而係佢唔識得拒絕人,又會覺得四海之內皆兄弟,識個朋友何妨?往往就係因為呢種人唔識得自我保護,篩走一啲爛人,於是儲埋儲埋一堆爛人喺身邊。
  
而你要知道爛人最大特點係,有得食就食,有機會溝就溝。當你開咗度門畀佢,佢自然會埋你身,漁翁撒網之下,有魚接近,當然會進攻。呢個就係點解爛人一個又一個排住隊出現喺你生命之中,因為呢個世界你呢種人可以容納到佢哋。
      
曾經有段時間唔知咩事,我嘅異性緣突然出現,有個男仔每晚半夜叫我「baby」,無啦啦搵我傾心事。又有個男同事日日喺我做緊嘢時入嚟坐喺我隔離,又inbox同我講埋啲無營養嘅說話。
  
不過我好清楚我唔係會令人一見鍾情嘅材料,而且大家從未深交,一面之緣,叫我如何相信你唔係貪就手?所以面對呢啲人我係好決絕,我唔會理會,唔會畀錯任何訊息對方。而事後喺其他人口中聽番,呢兩個男仔的確係出哂名見女就溝。
        
【港女講女】你要做賤男磁石,怪得邊個?

(視覺中國)

我成日覺得爛桃花唔係無可避免,捉弄你嘅好多時都唔係命運,而係你自己。我哋無必要同所有人都做好朋友,無必要怕得罪一啲立心不良嘅人,無必要為自己增加咁多煩惱,自己嘅魅力都無必要靠住呢啲爛人去證明。
      
好多時爛人總係圍住你轉,唔係因為你比其他女仔出色,只係你比其他女仔更唔識得拒絕,更加容易入侵,更加唔識保護自己咋。
   
責編:李玥展

編輯:Stacy

編輯推薦

【港女講女】沉默是愛情最大的殺手

以前有句好流行嘅愛情語錄:「肯留低同你鬧交嘅人,先係愛你嘅人」,一直覺得呢句野好嬌情造作,但慢慢先明白到當中嘅智慧。

2018-09-04 09:59

【港女講女】別用愛的名義去綁架對方的私隱

現實嘅愛情入面,好多人會用「愛情」嘅名義,去綁架對方嘅私隱同自由。

2018-08-27 10:08

【港女講女】拍拖同結婚本來就係兩碼子嘅事

拍拖就好似童年,無憂無慮。但婚姻就好似成年,就算你唔諗,責任同憂慮都會自己爬到你膊頭上。

2018-08-20 10:05

熱門評論

已複製連結