橙新聞

首度開腔報平安 余德丞醒番先知事件嚴重:個心停咗幾長嘅時間

文:Hin

首度開腔報平安 余德丞醒番先知事件嚴重:個心停咗幾長嘅時間

余德丞首度開腔報平安(Instagram圖片)

28歲藝人余德丞(Dickson)今個月初踢波後不適昏迷入院,留醫深切治療部,情況一度危殆,幸好他最後大步檻過甦醒,情況慢慢好轉,並轉往心臟科病房繼續治療。

而慢慢康復的Dickson日前在好友鄧佩儀的Instagram留言現身後,今日更透過Big Big Channel首度開腔報平安:「Hello咁多位大家好,我係Dickson余德丞啊!我真係覺得自己好好彩,非常感恩,非常開心今次可以大步檻過醒得番,再同你哋講嘢,所以真係衷心多謝全香港你哋每一位嘅關心、問候、祝福同埋集氣,令我能夠醒得番,真係衷心咁多謝你哋咁多位。」

Dickson透露昏迷期間心臟曾停頓一段頗長的時間,自己甦醒後才知道時事件的嚴重性:「其實真係醒番之後先知道原來件事都幾嚴重,因為我昏迷嘅時候,個心都停咗一段幾長嘅時間,所以能夠起得番身再同大家傾偈,真係好好彩!呢幾日都慢慢康復,精神咗好多,同埋講嘢都清楚咗,咁當然醫生都建議我要留院多一段時間,Check清楚身體係咪真係OK,先至可以出到院。」

最後Dickson更感謝這期間照顧他的醫護人員、家人,以及一班無綫同事及傳媒:「最後,我要多謝瑪麗醫院嘅上上下下咁多位醫護人員佢哋悉心嘅照顧,同埋喺關鍵時候幫我做心肺復甦嘅足球隊隊友。屋企人每日嚟支持我、整嘢畀我食,仲有TVB上上下下咁多位好同事。咁多位傳媒朋友,冇咗你哋一位都唔得,所以希望可以快啲出院同大家見面,有咩新消息再通知你哋,記住身體健康最緊要。」

責編:玥展

編輯:Hin

編輯推薦

余德丞醒返玩IG唔係報平安 反而係留言畀第二個?

藝人余德丞(Dickson)早前踢足球後不適暈倒昏迷,留醫瑪麗醫院深切治療部(ICU),幸好日前他已跨過難關初步甦醒,其後更離開ICU轉往心臟科病房觀察。

2018-08-16 09:47

【母親報喜】情況穩定!余德丞離開ICU轉往心臟科病房

藝人余德丞(Dickson)上周三晚踢足球後不適暈倒昏迷,留醫瑪麗醫院深切治療部(ICU),日前余媽媽透露兒子已跨過難關初步甦醒,並且可以進食及傾偈,讓不少擔心Dickson的人放下心頭大石,今日余媽媽更透露Dickso...

2018-08-14 15:40

余德丞甦醒後情況再好轉 余媽媽:可以食嘢同傾偈

28歲無綫藝人余德丞(Dickson)日前踢波昏迷入院,留醫瑪麗醫院深切治療部(ICU),連日來頻撲探阿仔的余媽媽昨日公告Dickson已初步甦醒,今日她再公佈好消息,指阿仔已可以吃東西及傾偈。

2018-08-12 14:58

熱門評論

已複製連結