橙新聞

否認拜金!余香凝強調冇第三者:冇諗住消費陳家樂

文:Hin

藝人陳家樂與女友余香凝拍拖三年多,然而突然傳出「分」訊,有傳余香凝背住男友暗撻從事保險業的Victor,導致二人分手。

否認拜金!余香凝強調冇第三者:冇諗住消費陳家樂

余香凝向傳媒發放錄音解釋事情(Instagram圖片)

分手消息曝光後,余香凝今日向傳媒發放錄音解釋事件,她先向大家道歉,表示得知報道出街後有不少人擔心,包括家人、同事以及牽涉這件事的人,及後她透露已與陳家樂分手約一個月:「我同家樂都分開咗差唔多有一個月嘅時間,我哋係有共識地坐低慢慢傾,和平地分開。我哋一齊咗幾年時間,大家可能有啲位意見不同,一路都冇辦法達成共識,最後選擇去分開。」

余香凝坦言兩人並非存心隱瞞大家,只是最近兩人都有很多工作,故打算處理好所有事才公布,同時她強調從沒有想過去消費陳家樂這個名字,自己是個很努力的演員,以及十分獨立,否認拜金:「我由出嚟做嘢到依家,我都係自己搵錢自己用,甚至乎係負擔埋屋企,我絕對係有能力去養自己,所以我唔需要家樂駛錢喺我身上,又或者係拜金、追求名牌,我同家樂嘅財政係完全獨立。」

否認拜金!余香凝強調冇第三者:冇諗住消費陳家樂

余香凝表示從冇諗過去消費陳家樂(Instagram圖片)

另外,她指二人分開絕非因為第三者:「冇第三者嘅出現,嗰位先生只係我認識咗好多年嘅朋友,而我同佢最近投資咗一間餐廳,亦係有其他合作伙伴,我嘅工作好忙,而餐廳月尾就要開張,我嚟緊要離開香港一個月,所以有好多好多嘢都未處理,每一日就算我做嘢做到幾夜都好,我都會上去佢哋地方度同大家一齊開會,而佢哋地方係有屋企人同埋其他生意伙伴,所以我哋絕對唔係單獨喺間屋度相處。」

否認拜金!余香凝強調冇第三者:冇諗住消費陳家樂

余香凝話同Victor只係識咗好多年嘅朋友(影片截圖)

最後余香凝希望大家給予她與陳家樂一點空間,好好處理自己情緒:「我好開心佢最近嘅工作有好大起色,大家都好欣賞佢,而佢工作都好繁忙,希望大家都可以畀空間我哋兩個去專注工作。」

否認拜金!余香凝強調冇第三者:冇諗住消費陳家樂

余香凝話睇到陳家樂事業有好大起色都好開心,亦希望大家畀一啲空間佢哋(Instagram圖片)

責編:玥展

編輯:Hin

編輯推薦

陳家樂喊住認分手 傳余香凝另結新歡所致

藝人陳家樂早前憑劇集《逆緣》成功入屋,工作量大增之餘還成為新一代男神,然而當他事業有起色之際,感情路上卻並不順利,有周刊報道指他與拍拖三年多的女友余香凝(Jennifer)分手,更有傳是Jennifer另結新歡所...

2018-06-14 09:51

李連杰「回春」!拗手瓜輕鬆KO壯男

國際武打巨星李連杰早前一張白髮蒼老照在網上瘋傳,見到現年55歲的他恍如80歲的老人家,不禁讓人擔心他的身體狀況,其後他的經理人澄清事件,稱李連杰「狀態極佳」。

2018-06-14 15:21

曾被質疑找代母 陳慧琳激動回應:難道要我脱褲子給你看?

天后陳慧琳(Kelly)2008年與老公劉建浩後,育有兩名兒子,然而她因產後身材極速復原,被外界傳出找代母生子,近日Kelly接受內地節目《魯豫有約一日行》的訪問,再度提起代母傳聞亦直言覺得很奇怪。

2018-06-14 14:21

熱門評論

已複製連結