橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】不要把分手當成武器

文:港女友
  
一段成熟嘅關係入面,兩個人都應該好清楚就算再親密,就算對方有幾愛自己,但有啲說話係唔應該隨便講出口,例如分手。
  
【港女講女】不要把分手當成武器

(資料圖片)

有啲人好鍾意用「分手」做武器,鬧交鬧得興起,「咁分手囉」。對方激嬲自己,「咁分手囉」。對方令自己不滿,「咁分手囉」。好多時呢啲「分手」都只係氣話,當事人唔係真係想分手,但我感覺佢哋好似當咗呢兩個字係必殺技,極具威脅同攻擊性。就算最後兩個人會和好如初,但呢兩個字對對方造成嘅傷害,可能已經植根喺心中。
    
試諗下,當你嘅另一半郁啲就同你講分手,你每隔一段時間就要經歷被失戀嘅感受一次,即使你知道對方未必係真心,但你永遠都會擔心會唔會有次佢係認真。而最重要係,當對方輕易可以講得出「分手」呢兩個字時,你又覺得佢對呢段感情有幾重視呢?你又覺得自己係佢心中算係咩呢?一個會輕易放棄自己嘅人,又有幾愛呢?一個會輕易放棄一段感情嘅人,又可以一齊行到幾遠呢?
  
唔好做一個持寵生嬌嘅人,以為對方唔會走,以為對方一定會氹番自己就盡情揮灑你嘅幼稚。
  
【港女講女】不要把分手當成武器

(資料圖片)

「分手」唔應該被利用成為武器,一個成熟嘅人,好應該學識對自己嘅說話負責,唔好輕易去講出會造成傷害嘅說話。同時一個成熟嘅人,都好應該成熟地去處理自己嘅情緒同感情,唔好喺情緒失控嘅時候落決定,更加唔應該咁幼稚同輕率去處理兩個人嘅關係。有咩不滿有咩傷心嘅情緒,要學習同對方溝通交流,要學識兩個人去一齊解決,問題係唔會發下晦氣就迎刃而解。
   
無論幾嬲幾傷心,都要記住唔好將「分手」兩個字變到咁廉價,唔好用「分手」去對付一個愛你嘅人。
  
責編:李玥展

編輯:Stacy

編輯推薦

【港女講女】一個廿幾歲嘅男人,窮係正常㗎喎!

如果你無耐性等一個男人長大,就放手,上進嘅男人值得擁有一個肯等佢成功嘅女仔。

2018-06-04 09:22

【港女講女】女人最緊要三十歲嫁得出?!

三十歲,對大部分廿幾歲嘅女人嚟講,都係一條無形嘅底線。三十歲左右結婚生仔,係好多女人嘅理想場景,所以為咗可趕上呢班「三十歲出嫁」嘅尾班車,好多女仔去到廿七、八歲就開始淆底。而近呢一年我真係見盡身邊...

2018-05-17 15:18

【港女講女】不屬於你的愛情,你何必硬擠進去

最近見到有個女仔朋友成個人落哂形,好似有舊灰雲喺佢頭頂咁,茶飯不思,做咩都無心機咁。原因係佢最近同咗一個對佢愛理不理嘅男仔一齊,明明一開始應該係熱戀期,但個男仔好似風雲一樣,變幻莫測,有時對佢好好...

2018-05-10 09:52

熱門評論

已複製連結