橙新聞

莎比亞

網絡作家

【莎比亞】拍拖點樣開心啲

文:莎比亞

每次一思考自己同女朋友嘅關係,我第一時間就係諗:「點樣可以令大家開心啲?」

呢條問題永遠唔過時,而且個答案成日都變。

因為快樂會隨住年齡、心境、近況、潮流而改變。

就好似以前你哋去長洲就滿足,之前要去歐洲,再然後喺百忙之中抽到時間長洲一日遊,又會好開心。

而且,想開心係好複雜,細個你話冇錢,到你有錢就冇時間,即使有錢、有時間,但關係已經變淡,無論大家幾努力,逝去嘅快樂已經不復返,再見成為最後嘅解脫。

我唔想結局咁悲慘,所以要努力去改變。

而保持快樂,有三個境界需要達到。

第一,係最簡單,係物質上嘅滿足。

食好嘢、買心頭好、去旅行,通通都有即時嘅滿足,唔使多講。

但物質享受,係貴「多」又貴「精」,即係大家有時可以任性買貴嘢、食餐勁,但冇可能日日都係咁揮霍,所以需要好多「平價快樂」,係啲咩就因人而異,可能係一個蛋撻,可能係一個突如其來嘅吻。

第二,當然係心靈上。拍拖係互相愛護嘅過程,人生中難得搵到終身伴侶,不再孤單。我諗冇嘢比另一半更加重要,任何嘢都可以失去,但摯愛永遠喺首位。所以,任何小問題都要積極去解決,唔好怕煩,因為日積月累會仲煩。崩咗一角,即刻填補,否則山泥傾瀉,兩個人都頂唔住。

最後,有少少抽象,就係精神上。「心態決定一切」,你想知「拍拖點樣開心啲」,就係諗住「我拍拖要開心啲」,唔好以為廢話,超Work。

我女朋友其實有好多頂唔順我嘅地方,平時已經開火鬧我,但佢希望兩個人可以開心,不停咁同自己講要開心,於是選擇咗一啲更好(對我更好)、更和平嘅方法去處理不滿。而當我知道佢釋出善意,我都收起賤格,對番佢好。

拍拖耐咗,好易憎恨同厭惡。

當你開始淡忘快樂,回想一下身邊呢個人曾經同你共度幾多難關,受過幾多委屈,你就會發覺,對方仍然值得你去保持快樂。
責編:李玥展

編輯:Dustin

編輯推薦

【莎比亞】為什麼男人總是愛自x

你不能夠只叫對方改變,自己卻一臉臭屁說:「我沒有錯,你最大問題!」

2018-05-02 14:09

【莎比亞】男人甚麼時候,才不會愛大胸長腿

「男跟女真不公平!為甚麼我欣賞你的才華,但就算女人多聰明都沒用,都不及大胸長腿。」

2018-04-20 09:33

【莎比亞】男人的愛情 其實很複雜

男人經常覺得自己很簡單,只想過一些平淡的生活,但不知怎地,身邊的另一半總愛找麻煩,打擾了心中所盼望的美好綠洲。

2018-04-18 10:10

熱門評論

已複製連結