橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】你又唔係公主,憑咩要求對方係白馬王子?

   
文:港女友
    
我相信呢個世界的確係有吸引力法則,即係你係一個點樣嘅人時,你自然會吸到點樣嘅人番嚟。友情如是,愛情亦都一樣,當你嘅性格同條件係咩level,其實好自然就會吸引番差唔多level嘅人同你為伴。不過人類都總係貪心,想搵一個比自己更好,條件更優厚嘅另一半實乃人之常情,但心頭高還心頭高,唔好忘記好簡單嘅一個道理:「你揀人,人揀你。」
     
【港女講女】你又唔係公主,憑咩要求對方係白馬王子?

圖:資料圖

我身邊有啲單身好多年嘅女仔,往往就係對搵另一半嘅要求過高,於是遇到任何異性都不屑去進一步了解,所以咁多年都同愛情擦身而過。留意呀,我係用「要求過高」,而唔係「要求高」咁簡單㗎。我係完全理解每個人,尤其係女人,都會好想搵到一個外在同內在條件都好嘅伴侶,又有錢又孝順又溫柔體貼喎,邊個唔想要?嗱,我先唔講呢個香港有幾多呢種內外在條件都好好嘅男人,老老實實,一個咁好條件嘅男人,個個女人都爭住要啦,你又憑咩有信心佢會喺眾多女人之中選擇你?
     
【港女講女】你又唔係公主,憑咩要求對方係白馬王子?

圖:資料圖

愛情同做人一樣,最怕好高騖遠。太過不切實際去追求十全十美嘅愛情,最後你跌到損手爛腳都唔會搵到。唔係話做人無資格有要求,而係你要求別人嘅同時,有無好好考慮到自己又配唔配得起對方?就算天跌個吳彥祖畀你,你就有信心自己睇得住呢個男人身邊嘅狂風浪蝶?
    
講到尾,我都係想話畀你知,搵另一半唔係要搵個條件最好嘅人,而係要搵一個最適合自己嘅人,愛情唔係用條件去量度㗎。
        
  
責編:李玥展

編輯:Stacy

編輯推薦

【港女講女】男人畀錢,應份㗎?

我好討厭呢種虛偽,呢種表面上追逐更美好嘅狀態,但實際上都只係為自己拎著數而用好多冠冕堂皇嘅藉口。如果你真係認為男女係應該平等,咁就唔好再覺得男人畀錢男人幫你都係理所當然。

2018-04-04 13:48

【港女講女】男人唔肯就晒你,唔代表唔愛你

女人呀女人,唔好再用一個男人夠唔夠遷就你,去量度佢對你嘅愛啦。

2018-03-29 17:16

熱門評論

已複製連結