橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】男人畀錢,應份㗎?

文:港女友
  
以前嘅社會,做男人永遠都著數啲,話事嘅始終係男人,女人就好似男人嘅附屬品。去到依家嘅社會,做女人肯定係著數好多!當遇到唔平等嘅對待時,就可以大嗌:「男女要平等!」。但當去到生活小事上,就可以拎男人著數,「食飯男人畀錢天經地義!」「男人幫手開門拎重嘢係gentleman,基本禮貌」 ,說好的「男女平等」早已經煙消雲散。
   
我好討厭呢種虛偽,呢種表面上追逐更美好嘅狀態,但實際上都只係為自己拎著數而用好多冠冕堂皇嘅藉口。如果你真係認為男女係應該平等,咁就唔好再覺得男人畀錢男人幫你都係理所當然。
   
【港女講女】男人畀錢,應份㗎?

(圖:AFP)

好多年前仲讀緊書,當時同一個好多年無見嘅女性朋友食飯,佢話要帶埋男朋友出席,結果男朋友全程都係陪坐,係去到埋單時佢先有戲份可以出鏡。小女子無功不受祿,平日出街食飯同男朋友都唔係奉旨佢請,更何況只係兩個好耐無見嘅舊同學聚會?
   
但我嘅女性朋友好堅持要佢男朋友畀錢,係請埋我果份呀下,我話:「唔使,佢請你咪得,唔使請我」女性朋友話:「下,佢係男仔喎,呢度得佢一個男仔,梗係佢請啦⋯⋯」全晚都無咩出聲嘅男朋友終於受到鏡頭寵幸,「係囉,我係男仔我請你哋啦⋯⋯」,但我望見佢個樣係無比尷尬,上咗賊船,畀人強加咗個「男人請食飯好正常」嘅標籤上身,呢刻唔通話唔請咁小家咩?
     
【港女講女】男人畀錢,應份㗎?

(圖:AFP)

原來呢個世界真係有一種女仔,覺得男人畀錢係好理所當然嘅事。如果講緊嘅係有錢佬包養女人,我都理解得到,但係一對正常嘅窮苦男女我就唔明白,誰都不欠誰,無嘢係應份,無人係應份用哂自己嘅血汗錢係你身上。當然我都唔係要求男女間每樣嘢都計到盡,要AA制先安心。而係我覺得男朋友又好,女朋友又好,請你食餐飯你應該覺得感恩,而唔係覺得老奉。
  
  
責編:李玥展

編輯:Stacy

編輯推薦

【港女講女】男人唔肯就晒你,唔代表唔愛你

女人呀女人,唔好再用一個男人夠唔夠遷就你,去量度佢對你嘅愛啦。

2018-03-29 17:16

Taylor Swift變胖全怪他?新男友Joe Alwyn 魅力值爆棚

想不到美國樂壇小天后Taylor Swift的身材,可以成為持續三個月之久的「網民熱話」。事關前幾日Taylor在倫敦Capital's Jingle Bell Ball表演,被fans拍到在台下扮fans的男朋友。而Taylor表演完後,而同男友一起「e...

2017-12-15 19:17

【得個樣?】國際奢侈品為何鍾情中國小鮮肉

小鮮肉的形象,正好迎合年輕的受眾和消費者。明星們強大的社交媒體影響力和粉絲族群,令往往「高傲」的奢侈品,也願意放下身段與他們合作。

2017-12-22 19:16

熱門評論

已複製連結