橙新聞

港女講女

九十後死港女,戀愛大過天,持愛行兇,希望用閃光彈救地球。

【港女講女】男人唔肯就晒你,唔代表唔愛你

文:港女友
  
Facebook有個女性朋友周不時放閃,佢成日都分享男朋友點樣無條件遷就自己,聽哂自己話,總之佢想點都好,男朋友都會就佢,所以佢認為自己就係全世界最幸福嘅女人。而有趣嘅地方係我留意到呢個Post下面有一個酸酸嘅留言:「你男朋友肯就哂你真係好,我男朋友都唔識遷就我:( 」
  
【港女講女】男人唔肯就晒你,唔代表唔愛你
(圖:AFP)
好多女仔都覺得,能夠搵到一個咩都就哂自己,咩都順自己意嘅男人,就係最幸福嘅事。能夠有個男人當自己公主咁捧喺手掌心喎,點會唔幸福呀?但Sorry ,比起一個咩都淨係識話好嘅「Yes Man」,我覺得一個有思想嘅另一半係比較重要。
  
兩個人喺埋一齊,最大嘅樂趣就係交流。而一個咩都順你意,咩都畀你話事嘅男朋友,或者一個咩都想要人遷就自己嘅女朋友(反之亦然),就失去咗交流嘅意義。只淨低一方獨裁,另一方聽命嘅北韓式統治。當你為所欲為時你當然覺得好爽好開心,但試諗下,當你進入無人之境,做咩都得,喺任何決定上面都係「你開心就好」,完全無人同你討論,無人反對⋯⋯無敵,先係最寂寞呀。
【港女講女】男人唔肯就晒你,唔代表唔愛你
(圖:AFP)
兩個人喺埋一齊,絕對唔係「你開心就好」咁簡單。開心只係一剎那嘅感受,兩個人一齊成長進步,一齊磨合,一齊搵出兩個人都開心嘅相處相愛模式,先係維持一段關係最重要嘅事。如果對方只係盲目地圍住你轉,所有決定都係依照你嘅意願去進行,咁其實對方係邊個都唔重要,公主裙下嘅太監,換咗邊一個做其實都無分別。
  
一個男人唔肯就哂你,唔代表佢唔夠愛你,或者唔夠錫你。「盲目遷就」只係好低層次嘅愛,相反一個有獨立思想,識得分辨是非,適當時候識得嗌唔好,識得指正你,講真話去幫助你改善自己,等你可以成為一個更好嘅人,呢啲先係更加成熟嘅愛情。所以,女人呀女人,唔好再用一個男人夠唔夠遷就你,去量度佢對你嘅愛啦。
 
  
責編:李玥展

編輯:Stacy

編輯推薦

【蔣薇 | 港女辦公室 】辦公室之有人暗戀你

公司有一個其貌不揚的女同事,比起其他漂亮動人的OL,就好似醜小鴨一樣埋藏係人群之中毫不顯眼。但最近佢人氣急升…

2017-10-09 09:55

Taylor Swift變胖全怪他?新男友Joe Alwyn 魅力值爆棚

想不到美國樂壇小天后Taylor Swift的身材,可以成為持續三個月之久的「網民熱話」。事關前幾日Taylor在倫敦Capital's Jingle Bell Ball表演,被fans拍到在台下扮fans的男朋友。而Taylor表演完後,而同男友一起「e...

2017-12-15 19:17

還想混時尚圈的女星們,是否該拯救下你伴侶的taste?

不少備受時尚界青睞的女明星,似乎太忙於打理自己形象而忽略另一半?身邊那位形象似乎普普通通……?當然大家都明白,明星的時尚資本,要靠自己和背後團隊運作,並非另一半可以「話嗮事」。但如果以情侶姿態行走...

2017-07-17 15:01

熱門評論

已複製連結