橙新聞

莎比亞

網絡作家

【莎比亞】安慰女朋友 原來係咁難

文:莎比亞
  
【莎比亞】安慰女朋友 原來係咁難

從來,我都覺得男女朋友唔係最好嘅傾訴對象。
    
同朋友呻,點都係更加暢所欲言。
  
男女朋友之間,總係覺得大家唔明大家,講多錯多,但唔講又覺得佢唔關心。
   
最近女朋友都有唔開心,但我完全唔識安慰佢,結果佢仲唔開心咗。
   
咁大家以後都唔好安慰對方,唔需要陪對方走過難關?
   
絕對唔係⋯⋯
   
首先講下我犯嘅係咩錯,我成日都會忍唔住教訓女朋友,當佢同我講發生咩事,我會話妳一早應該點點點,咁咪唔使搞到咁囉!
  
另外,我會直情唔識點反應,佢同我講完件事,我只係識「哦」,唔會可以同佢好熱烈咁討論,或者好有共鳴咁令佢覺得我明白佢。
  
而最嚴重嘅情況,一定係我根本冇耐性聽佢講咩事,女朋友一長篇大論,一五一十由開始講到結局,分分鍾要半個鐘,聽到我會忍唔住好眼訓。
  
以上係完全冇質素,唔會成功嘅安慰方法。
  
咁男朋友應該要點做?
  
我又唔想好假咁講一啲令佢開心嘅說話,好似公公奉承太后咁,一定成功,但我做唔出。
  
好朋友比起情侶係較好嘅傾訴對象,因為本質上朋友就係見面傾偈,我講你發生咩事,佢講你聽發生咩事,過程係一定順利,大家喺兩三個鐘內傾完就拜拜。
  
但情侶間要求高好多,甚至先係最真實嘅一面,因為所有情緒都會毫無顧忌咁爆發出嚟。
  
我唔知可以點做,但我要努力嘗試去點樣做。
  
因為當下你安慰失敗唔緊要,過後佢都會知你陪伴過佢,支持過佢。
  
所謂安慰成功,唔一定好似社工,你未必做到佢嘅最佳聆聽者,但「願意嘗試」好重要,佢會睇得出你嘅心意。

編輯:Stacy

編輯推薦

【莎比亞】防止男朋友懶惰 女友最有效方法

我係一個超級懶惰嘅男朋友。 平日懶得去街,少有浪漫,最好見面咩都唔使準備。 反正,無論我做多定做少,女朋友都唔會分手,咁我點解要做多?

2018-03-13 16:32

【莎比亞】令男人在吵架時 乖乖認錯的做法

如果可以,請各位女朋友避免以下大忌。以下內容可能會令妳們覺得委屈、覺得對女性不公平。但我相信會令你們「輸咗場交,但贏咗幸福」。

2018-03-02 15:06

【莎比亞】做個好男人

好男人通常唔會有好下場。 正所謂「男人不壞,女人不愛」,心愛的女神情傾MK,毒男都只會被傷害。 但呢個令人痛心嘅定律,喺拍拖之後就完全唔適用。

2018-02-27 15:11

熱門評論

已複製連結