橙新聞

莎比亞

網絡作家

【莎比亞】令對方唔會變心 一生一世嘅方程式

文:莎比亞

我成日都會諗一個問題:「假如女朋友身邊出現一個又靚仔、又有錢、對女朋友又比我好,咁⋯點解女朋友要留喺我身邊?」

你可能會即時諗到:「有感情囉!」

但感情都會變淡,拍拖可以分手、結婚可以離婚,理性啲諗,點解佢唔可以放棄我,搵一個更加好嘅?

先唔好企喺道德高地話變心就係賤人,你可以鬧,但你改變唔到事實。

咁應該要點樣做,去防範呢一個事實出現?

呢樣更加緊要......

回應返最基本嗰條問題:「我又唔靚仔,妳鍾意我啲乜?」

女朋友喺唔同階段,都會追求唔同嘅嘢。

以下簡單分成三個階段:

1.少女之初,只求拍拖嘅快樂-吃喝玩樂,有個人錫佢。(簡稱為X)

2.出嚟社會後,除咗X之外,仲有安穩嘅生活,而安穩生活,包括係你對將來嘅計劃,收入問題,衣食住行嘅穩定。(稱為Y)

然後,X同Y都還好之後,最多人忽視嘅就係Z。

3. Z包括相處耐咗之後嘅轉變、兩個人仲係咪好開心、你仲有無激情。

曾經有段時間,我冷落得女朋友好緊要,覺得感情都好Stable啦,去邊求其,食嘢求其,講嘢求其,唔係想懶,係以為呢啲叫「細水長流」。

好多男朋友,其實唔係有心懶,而係誤以為大家可以過簡簡單單嘅生活。

當然你唔係《格雷》入面嘅男主角,唔會可以製造啲有錢人先實行到嘅驚喜。

就算你要做戲都好,都要表現到好有熱情。舉個例子,一見到面抱下佢錫啖佢,唔做係咪會分手啊?當然唔係,但做咗佢會好開心。

然後喺好多方面,就將呢一種細微嘅愛盡量咁展現出嚟。

比起熱戀期更甜蜜,因為你已經好了解女朋友,知道點樣令佢開心,只係你願唔願意做。

你可能會問:吓!咁樣到我好辛苦,點解要我搞咁多嘢先......

因為你鍾意佢,愛佢,好自然就要付出。

買個包都要畀錢,女朋友嘅愛又點可以唔使付出?

當然,你付出無限嘅愛,可能佢照樣會離開你,或者識咗另一個。

但至少,你對呢段感情無憾,錯不在你。

X:吃喝玩樂嘅快樂
Y:生活嘅安穩
Z:保持激情

X+Y+Z=真正嘅細水長流。

更多文章,即like: 莎比亞 

責任編輯:李玥展

編輯:Wing

編輯推薦

【莎比亞】拍拖千祈唔好「遷就對方」

「遷就」聽上去好似將對方嘅缺點吞晒落去,但其實暗藏殺機。

2018-01-29 13:30

【莎比亞】女朋友成日買袋 係有咁嘅原因...

女仔買手袋有兩個可能性,一係買,一係唔買。NONONO!應該係:一係佢買,一係你買。總之,一個女性鍾意咗個袋,佢千方百計都會將佢得到手,問題只係今日or聽日。你可能會問:「我真係唔明,點解我一個背包走天下...

2018-01-26 11:21

【莎比亞】假如不停地鬧交 即管試下咁做

你很討厭她,妳也覺得是時候要完結這段關係⋯⋯還可以做些甚麼嗎?! 有!絕對有!就是,即管考慮分手吧!不要再想太多!

2018-01-15 11:55

熱門評論

已複製連結