橙新聞

莎比亞

網絡作家

【莎比亞】情人節送花前 要明白當中意義

文:莎比亞

情人節就到,少不免要送花。

但我唔係想討論邊種花有咩含意,要送幾多支先有心思。

我係想搞清楚,點解要送花?送花先會令女朋友開心?

我好直接咁問女朋友:「情人節點解要送花畀妳?」

(PS:需要多年感情培養先可以問)


首先,我女朋友本身好鍾意花,裙要碎花、耳環要花型、仲好鍾意花嘅首飾盒仔,所以每次見到同花有關嘅嘢,我都會即刻問佢:「喂,鍾唔鍾意呀?」

所以,真花對佢嚟講,絕對無唔鍾意嘅理由。

但我問佢:「但真花擺幾日就無,幾百蚊好唔抵⋯⋯」

一向慳家嘅佢,我估佢一定會認同我啦,叫我唔使買花。


點知佢答我:「買花嘅意義,就係在於得幾日,你明知係唔擺得耐,但仲願唔願意為咗令我開心而送畀我呢?一切都係個心嘅問題!」

嘩⋯⋯港女就係咁樣產生⋯⋯但諗諗下,外國人都會送花收花,港女論不成立。

再諗深一層,心意呢樣嘢好多都好短暫,表白、求婚、擺酒都係「台上一分鐘,台下十年功」,幾咁大龍鳳,都係一日之內嘅事,咁點解又有意義呢?


打機都係打完就無㗎,但我開心過、輕鬆過、享受過!

女朋友收禮物都一樣,驚喜過、浪漫過、甜蜜過。

送花真係好貴,對我嚟講點都係唔值,但我都會照送,因為可以令佢開心,令佢記得2018年嘅情人節,佢收過我送過花,絕對唔係短暫,回憶係一世。


明白咗呢個道理,送花先有意義,而唔係因為節日嘅氛圍,人送你又送,畀賣家借住情人節而打劫你銀包。

任何禮物都一樣,如果你為送而送,不如唔好送。

一份滿分嘅禮物,係要包含誠意。

責任編輯:李玥展

更多文章,即like: 莎比亞 

編輯:Wing

編輯推薦

【莎比亞】拍拖千祈唔好「遷就對方」

「遷就」聽上去好似將對方嘅缺點吞晒落去,但其實暗藏殺機。

2018-01-29 13:30

【莎比亞】女朋友成日買袋 係有咁嘅原因...

女仔買手袋有兩個可能性,一係買,一係唔買。NONONO!應該係:一係佢買,一係你買。總之,一個女性鍾意咗個袋,佢千方百計都會將佢得到手,問題只係今日or聽日。你可能會問:「我真係唔明,點解我一個背包走天下...

2018-01-26 11:21

【莎比亞】假如不停地鬧交 即管試下咁做

你很討厭她,妳也覺得是時候要完結這段關係⋯⋯還可以做些甚麼嗎?! 有!絕對有!就是,即管考慮分手吧!不要再想太多!

2018-01-15 11:55

熱門評論

已複製連結