橙新聞

莎比亞

網絡作家

【莎比亞】拍拖千祈唔好「遷就對方」

文:莎比亞

經常都會聽到類似對話:

「不如妳再試下同佢傾下喇!」

「講過喇……都係咁……我都唔知可以點喇!」

「咁妳咪就一就佢囉!兩個人相處係咁架喇,互相遷就下就得!」

「遷就」聽上去好似將對方嘅缺點吞晒落去,但其實暗藏殺機。

因為遷就帶住唔情願、唔甘心、屈就、強迫嘅意味,實際情況就係:「我係唔鍾意架喇,但我好偉大,為咗你/妳,無辦法喇……」

幾次又幾次的「遷就」後,終於就會出現「真係頂你唔順」,講出心底話:「對唔住,我真係好辛苦喇……」然後,你狠心分手,對方完全唔知咩事⋯⋯心諗:「又係你又話無所謂嘅?」

試諗一下,相識最初,係唔需要「遷就」呢回事。

例如,我其實想看睇呢套戲,但你想睇另一套,唔緊要啦,睇你想睇嘅,因為我只係鍾意同你挨喺戲院,浸喺銀幕中嘅甜蜜感覺。

仲未計一個寒冷嘅早上,你唔介意一早踢開張被,買好白粥、油炸鬼、腸粉多甜醬走芝麻,去到對方屋企;仲未計每次約會後,大家都唔怕畀蚊咬,夏天幾熱都要坐喺公園嘅長凳傾到深夜,依依不捨歸家……

嗰時你完全唔會有一刻覺得自己係遷就對方,因為對方就係一切。

成段感情都好新鮮嘅時候,兩個人嘅不同之處成為約會有趣嘅地方,我教你踩單車,妳拖住我手學溜冰,無無聊聊都開心成日。

熱情終於冷卻,大家真係攰咗就講:「原來我哋真係性格不合……不如分開一下?」

面對呢種充斥無力感的關係,以前我一定好悲觀:「無得救㗎喇,算啦,佢都想分手,咁咪分囉,勉強無幸福呀⋯⋯」但而家我每次都會同女朋友唔啱傾到啱,唔好咁快放棄住。

兩個人相處,始終會有問題發生,但最緊要都係,問題出現前,千祈唔好慣性「遷就」,忍咗就算,忍忍下一定會出事。

一遇到問題、或者唔鍾意嘅地方,一定要即刻就講晒出嚟,清清楚楚咁講你希望對方點做。

一齊努力去改,一齊畀機會對方去改,先係長久嘅解決方法。

更多文章,即like: 莎比亞 

編輯:Wing

編輯推薦

【莎比亞】女朋友成日買袋 係有咁嘅原因...

女仔買手袋有兩個可能性,一係買,一係唔買。NONONO!應該係:一係佢買,一係你買。總之,一個女性鍾意咗個袋,佢千方百計都會將佢得到手,問題只係今日or聽日。你可能會問:「我真係唔明,點解我一個背包走天下...

2018-01-26 11:21

【莎比亞】假如不停地鬧交 即管試下咁做

你很討厭她,妳也覺得是時候要完結這段關係⋯⋯還可以做些甚麼嗎?! 有!絕對有!就是,即管考慮分手吧!不要再想太多!

2018-01-15 11:55

【莎比亞】因為求婚出錯 令對好朋友反晒面

有兩個很要好的兄弟,由中學一起成長至大學、踏入職場、甚至到結婚一刻。友好程度令人懷疑他們「能為密友總帶著愛」,是對好基友,但不幸的事就發生在其中一位跟女朋友求婚的那一天。兩人之間感情破裂⋯⋯

2017-12-29 10:26

熱門評論

已複製連結