橙新聞

莎比亞

網絡作家

【莎比亞】女朋友成日買袋 係有咁嘅原因...

文:莎比亞

女仔買手袋有兩個可能性,一係買,一係唔買。

NONONO!應該係:一係佢買,一係你買。

總之,一個女性鍾意咗個袋,佢千方百計都會將個袋得到手,問題只係今日or聽日。

你可能會問:「我真係唔明,點解我一個背包走天下,乜衫乜褲乜場合,上山下海都係用佢,用咗成年都無穿無爛,但點解啲女人就算有成千個袋都唔會滿足?」

貪心?貪新鮮?貪得無厭?

有請我身邊買袋經驗非常豐富嘅女朋友為大家講解下:

「首先,我哋出街要袋好多嘢,袋根本就係必需品,唔似你將銀包電話塞晒落褲袋就行得。咁既然係必需,咁買個靚少少都係人之常情啫,耐用啲嘛!另外呢,一個靚嘅袋就好似一個男人有隻靚手錶或者靚車襯托咁,可以幫成個人提升幾個層次!唔同場合、唔同嘅衫,就有唔同嘅襯法,咁你又成日帶我周圍去,我又有咁多唔同嘅衫,咁有番一定數量嘅袋都好合理啫!係咪先?我都係迫不得已㗎咋~」

做一個稱職嘅男朋友,Support完女朋友買袋,其實仲未夠㗎!你要知道,當一個女性洗完錢,無論佢有幾鐘意件嘢都好,都一定會內疚,跟住就後悔:「喂呀,你會唔會覺得我好嘥錢呀……個袋隻款其實係咪唔襯我?不如我都係拎番去退……?」

作為滿分嘅男朋友,你要講嘅應該係:「傻豬,點會呢,妳都好耐無買野喇,難得見到鍾意嘅,唔係唔買呀?同埋呢個袋真心好襯你呀,如果襯埋早幾日買嗰條連身裙同對新波鞋就perfect喇!都唔係好貴啫,妳真係好有眼光!」

識得咁答同唔識咁答嘅下場,唔洗我講,你都知啦?

畀女朋友買袋其實有好處,因為女人對自已鍾意嘅人從來都唔會自私。即使你對佢唔好,佢都一定會對番你好,所以當佢買咗咁多嘢畀自己嘅時候,又點會唔諗起你吖!然後佢就會睇下啲男裝袋,心諗:「不如我都買番個袋比佢啦,佢遲啲可能要去Interview,番工又點可以無個靚嘅公事包?」

呢個moment,你女朋友就會付出比自己買袋認真十倍嘅心機,諗下你衣櫃會有咩款嘅恤衫、萬一買唔啱色你又唔鐘意、又唔可以太老套你又話似阿叔……終於,揀啱咗一個,佢同自已講:「我要做第一個買公事包畀佢嘅女人。」然後笑住咁畀錢:「唔該,我要呢個吖!」

畀錢嗰刻,佢一啲都唔後悔,反而覺得好抵,仲開心過自己買袋,因為其實佢真係好錫你。

可能呢世你都唔明女仔買到個鍾意嘅袋到底有幾開心,但你終有一日會明,收到女朋友送嘅袋係幾咁窩心,所以唔好阻佢買袋喇,有個靚袋,都係想襯番你,同埋比機會自己買袋畀你咋!

責任編輯:李玥展

更多文章,即like: 莎比亞 

編輯:Wing

編輯推薦

【莎比亞】假如不停地鬧交 即管試下咁做

你很討厭她,妳也覺得是時候要完結這段關係⋯⋯還可以做些甚麼嗎?! 有!絕對有!就是,即管考慮分手吧!不要再想太多!

2018-01-15 11:55

【莎比亞】因為求婚出錯 令對好朋友反晒面

有兩個很要好的兄弟,由中學一起成長至大學、踏入職場、甚至到結婚一刻。友好程度令人懷疑他們「能為密友總帶著愛」,是對好基友,但不幸的事就發生在其中一位跟女朋友求婚的那一天。兩人之間感情破裂⋯⋯

2017-12-29 10:26

【莎比亞】有冇人都會 擔心求婚唔感動?

最近,身邊好多人結婚了。大家當然著眼於,他是怎樣求婚的? 場面是否盛大、有沒有超級戲劇性、女主角有沒有哭?

2017-12-22 10:37

熱門評論

已複製連結