橙新聞

蔣薇

網絡作家,曾推出小說《那天,我出席了一個葬禮》《南極》《同學會重遇的那個人》,作品見於各報章及網上平台。

【蔣薇 | 港女辦公室 】Email攻防戰

文:蔣薇
公事上,有邊個未用過Email,我收過連署名都無嘅不知名email,亦收過差唔多三千字內文嘅essay級投訴email,更見過唔小心將私事公事全世界send嘅email,作為平日最多收發嘅渠道,原來都仲有新鮮事。

太子哥,佢好成功上任個幾月就得罪全世界,包括同事,客人,上司,老闆,以佢講法,作為一個打滾二十幾年嘅老江湖,原來可以有咁強嘅破壞力。

今次講到,公司有活動要兩個部門協調,太子哥同另一位,叫佢勁野哥啦,係兩個部門嘅頭,分別要派幾個人出席呢個活動,而太子哥佢出Trip,呢單野可以講先。

出Trip,有幾個會要開,咁兩個會相隔三日,無理由要飛嚟飛去,咁當然係Stay啦,突然後面個會取消,咁正常係唔係要返香港?但太子哥佢話要陪個客一齊返,所以留多幾日,大家就信啦,點知有個同事同個客好熟,佢覺得奇怪就打比個客問佢,乜太子哥陪你返咩?

客人好驚訝咁講:「你打比我,聽唔聽到香港鈴聲?我咪返咗囉,邊個話我同太子哥一齊返啊?」

咁到底太子哥陪邊個返?無人知,而八卦嘅我哋一早知太子哥有個上海女友,一切都明晒,Stay Behind,仲有糧出,仲無野做,仲有機票酒店,去邊搵?
而件事係同步發生,太子哥係上海無野做,當然要扮晒野覆email,事無大小都講一聲,證明存在感。

佢交唔到人,就叫勁野哥交,咁勁野哥佢係香港好忙,亦唔想覆佢呢種無聊野,所以就hold住,太子哥見佢無覆無理,就出招了。

勁野哥忙完,收到老闆一個email,內容只有一個字「OK」,唔睇由自可,佢拉返落去個track度,內文如下(已翻譯):

「最近勁野哥佢好似有少少Overram,士氣好似好低,又負面,如果長久落去可能會成為公司一個行政上嘅大問題,下星期老闆你有冇時間?不如我哋約佢出嚟講兩句,睇下佢發生咩事?」

呢封email,係personal email,只send比老闆,老闆睇完,覆左OK,唔知有心定無意,cc埋比勁野哥。

勁野哥一睇到,咩叫Overwhelm ?咩叫負面?咩叫行政問題?督背脊見得多,但用email black and white咁光明磊落,我都係第一次見。
勁野哥嬲到將封信比晒全世界,再問太子哥有乜好解釋,不如開個大會講,三口六面拆。

呢個時候太子哥,仲係上海溫柔鄉之中,樂而忘返。

督背脊的朋友,記得唔好留底,whatsapp講比人cap screen,都叫人有心裝你,但你email講,比人cc,就真係無仇報喇!

最新消息,被人過橋的客戶,準備向公司投訴無程程被人話一齊返香港,仲明言覺得呢條友誠信有問題。

太子篇,或者好快就會落幕。
責編:李玥展

編輯:Dustin

編輯推薦

【蔣薇 | 港女辦公室 】太子哥之猛虎落地勢

近期我都會講太子哥,因為佢上任不久,但已經有唔少為人「津津樂道」嘅戰績,上次講完感謝主,今日同大家介紹一招!

2017-11-27 17:29

【蔣薇 | 港女辦公室 】中環太子哥-感謝主

第一句劈頭話:「今年係我入行第二十年喇。」換句話說,即係老海鮮啦,第二句就話:「呢行,我有乜未見過先?」第三句話:「有乜事都好,依家有我係度,我會幫大家頂,帶領大家一齊走得更遠!」

2017-11-13 16:54

【蔣薇 | 港女辦公室 】後生仔要蝕底少少

蝕底?任何野都係計算,得罪講句,蝕底嘅唔係抵得諗,而係笨實!

2017-11-02 09:12

熱門評論

已複製連結