橙新聞

斯汀

準婚港男,跨媒體工作者,情場如戰場,去到最後一關一定唔可以有閃失!

【斯汀|準婚港男求生日記】影婚照前 一定要再教育女友嘅3件事

文:斯汀
即使你每年都要去3、5、7場婚宴,但係到咗要自己郁手時,都一定完全唔知點入手。不過我唔係想教大家乜乜「婚禮慳錢大法」、「提防婚展陷阱」、「最美好的五個婚宴場地」,以上嗰啲留比女人操心。我想做嘅,就係趁住自己仲有記憶,記低一啲係籌備婚禮過程中,有可能危害各位巴打生命嘅事!總之男士嘅籌備婚禮守則只有一條:唔好比機會你未婚妻唔開心!(後果你懂的…)

終於入正題,講到per-wedding,第1件事唔關攝影師事,係要「再教育」你嘅未婚妻!而家好多女仔因為日日夜夜自拍嘅關係,佢哋去評論自己張相時,只會以「瘦唔瘦」做標準。瘦=靚係絕對出事嘅一個觀念,基本上per-wedding係一定會執相,如果揀攝影師時,淨係留意影得個model瘦唔瘦,好多時會變咗幫襯一啲超重手p圖嘅婚攝,所以揀攝影師要留意構圖、風格,千祈唔好淨係以瘦唔瘦做標準!(同埋人哋show比你睇嘅相好多都係搵model影,千祈唔好比你女友拎自己同model比,佢心情唔好都係你受罪)。

@alexanderhera 分享的貼文

張貼


一生人一次的婚禮,有人喜歡婚照華麗又隆重

h e l e n a m(@helenamfung)分享的貼文

張貼


但近年亦有不少人喜歡簡約清新(甚至漸漸成為主流)

第2,放棄「標準上鏡樣」,同樣因為女仔成日日拍夜拍,已經育成咗一個「標準上鏡樣」,即係逢係影相都會係同一個笑容、同一個眼神、同一個角度,因為佢哋覺得咁樣先係「靚」。但係per-wedding時要配合個場地、攝影師要求擺好多唔同動作同表情,我知要令佢哋表露一個「自然」嘅表情係好難,但最起碼唔好張張相都好似平時post IG咁嘟嘴、咪嘴囉。

第3,真正影per-wedding前,要令佢習慣鏡頭。因為攝影師拎大機影相(有啲仲有助手打燈)個感覺同你平日拎起手機自拍係好唔同,如果係平日都唔鐘意影相嘅話,一時間要咁近距離比人影都幾大壓力!如果可以嘅,各位兄弟可以影per-wedding前帶未婚妻去啲唔同地方影下相,近鏡遠鏡都影,再模疑一下會有咩動作出現,咁樣兩個到真正影嘅時候先至唔會太緊張!

以上3點係一定一定要學識,因為好少可有時間影第二輯,而如果新娘子收到輯相唔高興的話,你成個籌備過程連婚禮都唔方有運行,祝大家好運!有心影,prewedding都可以自己影!搵攝影師之餘自己印多本相簿放喺婚禮上,雖然未必夠專職嘅靚,不過意義重大丫嘛!

小汀劣作,目標係自己都影夠一本相薄放婚禮,唔知夠唔夠時間完成呢?

*文中所用圖片均引用自網絡公開圖片,並不涉及任何推廣或毀謗。

責編:李玥展

編輯:Dustin

編輯推薦

【皇室喜訊·去片】求婚一幕曝光 哈利:梅根未等我講完已say yes

英國哈利王子及未婚妻梅根周一(27日)宣布訂婚後,首次接受電視專訪,憶述兩人求婚一幕及交往點滴。哈利大爆本月初於肯辛頓宮晚餐時向梅根求婚,對方當時「正嘗試烤焗一隻燒雞」,而且急不及待答應。

2017-11-28 08:03

【斯汀 | 做網喎】FB轉IG 係咪複製貼上咁簡單?

朋友叫我幫忙做啲內容放fb,我就問埋佢洗唔洗諗埋ig呀,佢答我:「嗰啲我叫我女朋友搞咪得囉,copy fb啲嘢過去咋嘛!」。

2017-11-09 11:32

【王子封盤】英哈里王子訂婚 明春娶女星馬克爾

英國皇室周一(27日)宣布,33歲的英國哈里王子與36歲美國女星馬克爾(Meghan Markle)已訂婚,婚禮將於明年春天舉行,詳情會在稍後公布。

2017-11-27 19:06

熱門評論