橙新聞

蔣薇

網絡作家,曾推出小說《那天,我出席了一個葬禮》《南極》《同學會重遇的那個人》,作品見於各報章及網上平台。

【蔣薇 | 港女辦公室 】Free埋條命比你好唔好?

文:蔣薇
   
【蔣薇 | 港女辦公室 】Free埋條命比你好唔好?
世界上有冇免費午餐? 
   
有,只要你夠厚面皮講:「個度少少錢,你Free埋俾我啦!」
  
呢種R著數嘅行為,唔係窮人先有,有時我仲覺得窮都會窮得有尊嚴,有錢就更鐘意擺起個款死R爛R。
  
話說我哋公司客戶都以六位數生意起標,唔一定好富貴,但一定唔會窮先,有次客人想加一樣野,咁就要叫人做叫人畫啦
   
「咁加法啊,價錢會調整少少喎。」
    
「吓,好簡單咋喎,你咁都要收我錢?」(我心諗簡單你唔自己做埋)
    
「咁公司規矩,我地有Regulation嘛……」
    
「以前我幫襯間公司都唔收我錢!你咁都收我?」(咁你唔搵返之前公司做)
     
「或者我問吓公司可唔可以收平少少。」
    
「我唔理啊,個度少少錢,Free埋俾我啦!」
    
呢種情節大家應該唔陌生,但俾多少少資料你,呢個客係上市公司,根本就唔愁錢,公司有冇Budget去加一樣野?一定有!
    
【蔣薇 | 港女辦公室 】Free埋條命比你好唔好?

講真,呢種case真係唔需要驚動到老闆,Sale同事都係硬食,直到有一次老闆請成班同事飲茶時講起,老闆Hugo聽到之後話:「做野,就要人手時間,一定要收錢喎,如果佢覺得唔值,可以唔搵我哋做,但唔可以用免費去侮辱我哋工作囉!」
   
得!老闆!收到!
    
大家都靜待一個機會,等個客再次R著數時,大條道理唔做佢生意嘅機會。
   
時機好快就到,因為個客鐘意死R爛R,咁同事就好自信咁講:「老闆話要收錢,今次Free唔到俾你喇,同埋以後Policy都唔可以再Free Service俾客。」
   
咁講真係明唔做佢生意咁款,準備等佢爆大鑊再鬧佢一餐然後永遠講Byebye!
  
點知……
  
佢竟然話:「搞錯啊,咁都收錢!唉,照做啦,你開返張單俾我!」
  
Holy……佢竟然好順攤咁俾錢,原來佢天生就係喜歡R著數,幫公司慳錢,Jesus!!!!小姐啊,錢又唔係你嘅,你又無份分,點解你要拋個身出嚟扮乞衣慳一個幾毫?一直以來Free俾佢嘅,其實佢都可以俾錢,Sales同事聽到之後,請咗三日假去散心。
  
佢發誓以後邊個話要Free野,佢一定答佢:「Free埋條命俾你好唔好?」
  

編輯:Stacy

編輯推薦

【港女辦公室 | 蔣薇】 射波的法則

經同事們一番討論,大家整理咗一個《射波的法則》,等大家醒水。

2017-05-06 14:41

【蔣薇|港女辦公室】O你老闆

OT無補水,員工做多一分鐘就蝕一分鐘,做人,要識得感恩,唔一定擺起個款先係老闆,好老闆最重要係尊重員工,呢間公司無咗你唔會有乜分別,但無咗班好員工,就差好遠。

2017-04-29 10:49

【港女辦公室 | 蔣薇】上進心與貪錢

如果有個男仔,佢收入長期維持係低水平,咁你作為佢女朋友,你會唔會分手?又如果你係佢同事,你會唔會勸佢分手?

2017-04-21 09:27

熱門評論